घुंगराळा प्रतिनिधि दि.१९ :- हिंदवी स्वराज्याचे संस्थापक रयतेचे राजे छत्रपती शिवाजी महाराज यांच्या ३९६ वी जयंतीनिमित्त त्यांच्या पुतळ्यास सहशिक्षक साहेबराव बोधनकर यांच्या हस्ते पुष्पहार अर्पण करण्यात आले.
बहुजन प्रतिपालक कुळवाडी भूषण राजे शिवछत्रपती ची जयंती म्हणजे केवळ सण नव्हे तर प्रत्येक मनाचा स्वाभिमान सोहळा आहे. शून्यातून स्वराज्य निर्माण करणाऱ्या आपल्या राजांचा शिवजन्मोत्सव सर्व घराघरात अभिमानाने साजरा झाला पाहिजे. असे मत सहशिक्षक साहेबराव बोधनकर सरांनी व्यक्त केले. त्यावेळेस प्रमुख उपस्थिती म्हणून सामाजिक कार्यकर्ते प्रकाश डुमणे, चंद्रसेन गंगासागरे, माधव पाटील ढगे, बळवंत बानेवाड, सुरेश हनुमंते, दिगांबर गंगासागरे,आदित्य गंगासारे इत्यादी उपस्थित होते.