हैदराबाद (रामंतापूर)प्रतिनिधी दि.१९ :– तेलंगणा मराठी मंच मंडळाचे अध्यक्ष श्री नितीन टिक्का यांच्या निवासस्थानी सर्प रेस्क्यू मोहिमेत उल्लेखनीय कार्य करणारे रामंतापूर येथील सर्पमित्र श्री वेंकटेश तानुलवार यांचा शाल व श्रीफळ देऊन सत्कार करण्यात आला.
यावेळी श्री नितीन टिक्का यांनी सर्पमित्रांच्या धाडसी व समाजहिताच्या कार्याचे कौतुक केले. परिसरात साप आढळल्यास नागरिकांच्या सुरक्षेसाठी तत्परतेने धावून जाऊन सर्प पकडून सुरक्षितस्थळी सोडण्याचे कार्य श्री वेंकटेश तानुलवार सातत्याने करत आहेत.
या प्रसंगी साप्ताहिक महिमा खादीचाचे संपादक गजानन बिडकर उपस्थित होते. कार्यक्रमात सामाजिक बांधिलकी व पर्यावरण संरक्षणाविषयीही चर्चा करण्यात आली.