नांदेड प्रतिनिधी: धर्मभूषण ॲड. दिलीप ठाकूर यांच्या पुढाकारातून समाजामध्ये जागृती निर्माण व्हावी या उद्देशाने नांदेडमध्ये “केरला स्टोरी – पार्ट २” या चित्रपटाचे ३० मार्च रोजी पीव्हीआर सिनेमा, कौठा नांदेड येथे खास मुलींसाठी पूर्ण दिवसाचे ८ मोफत शो आयोजित करण्यात येणार आहेत. या उपक्रमाला स्थानिक स्तरावर मोठा प्रतिसाद मिळत असून अनेक दाते पुढे सरसावले आहेत.
यापूर्वीही दिलीप ठाकूर यांच्या पुढाकारातून “कश्मीर फाईल्स”, “केरला स्टोरी”, “छावा”, “शतक” यांसारख्या चित्रपटांचे मोफत प्रदर्शन करून समाजजागृतीचा संदेश देण्यात आला होता. त्याच धर्तीवर प्रसिद्ध उद्योजक आशिष काबरा यांच्या आग्रहास्तव हा उपक्रम राबविण्यात येत आहे. विशेषतः हिंदू मुलींमध्ये जागरूकता निर्माण व्हावी, या उद्देशाने हा निर्णय घेण्यात आला आहे.
खा. अशोकराव चव्हाण, खा. डॉ. अजित गोपछडे, प्रदेश उपाध्यक्ष संजय कोडगे व चैतन्य देशमुख, माजी पालकमंत्री डी. पी. सावंत, भाजपा महानगराध्यक्ष अमर राजूरकर, जिल्हाध्यक्ष डॉ. संतुकराव हंबर्डे व ॲड. किशोर देशमुख, महापौर कविता मुळे, उपमहापौर दीपकसिंह रावत, सभागृह नेते ॲड. महेश कनकदंडे,लायन्स उपप्रांतपाल योगेश जायस्वाल यांच्या मार्गदर्शनाखाली भाजपा नांदेड महानगर, लायन्स क्लब नांदेड सेंट्रल, अमरनाथ यात्री संघ यांच्या वतीने हा उपक्रम आयोजित करण्यात आला आहे.
या उपक्रमासाठी एकूण सुमारे ₹२ लाख खर्च अपेक्षित असून आहे.या उपक्रमासाठी पुढील मान्यवरांनी तिकिटे प्रायोजित केली आहेत. आशिष काबरा व धर्मभूषण ॲड. दिलीप ठाकूर यांनी प्रत्येकी २५० तिकिटे,उद्योजक श्रीराम मेडेवार यांनी २१० तिकिटे, राज मड्डी यांनी ११० तिकिटे, संजय केंद्रे यांनी १०० तिकिटे, स्नेहलता जायस्वाल यांनी ६० तिकिटे प्रायोजित करण्यास संमती दिली आहे.तसेच ला. दिलीप मोदी, सतीश सुगनचंदजी शर्मा, प्रशांत दामरगीद्दे, प्रा. संजय पाटील देगलूर, आकाश अनिल येमेकर, ज्येष्ठ पत्रकार चारुदत्त चौधरी, इंजि. जयचंद्र तत्तापुरे, प्राचार्य दीपक बच्चेवार, मानिनी नांदेडकर, सुयोग कवटगी, डॉ. प्रणद दिगंबर जोशी, सुरेश पळशीकर व पप्पू रिझवानी यांनी प्रत्येकी ५० तिकिटे प्रायोजित करण्याची संमती दिली आहे.
इंजि. द्वारकादास अग्रवाल, सिद्राम सूर्यभान दाडगे व दासराव कंदकुर्ते यांनी प्रत्येकी ३० तिकिटे, राजेश भराडिया यांनी २१ तिकिटे, मुकुंद कुलकर्णी सिडको, नागनाथअप्पा येरगे व व्यंकटेश मुखेडकर यांनी प्रत्येकी २० तिकिटे प्रायोजित करण्याचे मान्य केले आहे.तर श्रीनिवास अमीलकंठवार, व्यंकट अन्नदाते, प्रकाश उंटवाले, संदीप साखरे व धोंडिबा बेंद्रीकर पाटील यांनी प्रत्येकी १० तिकिटे, तसेच गोविंद मरेवाड यांनी ५ तिकिटे प्रायोजित करण्याची संमती दिली आहे. योगदान देणाऱ्या सर्व दात्यांची नावे तिकिटावर छापण्यात येणार आहॆ.तसेच देणगीदारांचा शो च्या वेळी सत्कार करण्यात येणार आहे.
या संदर्भात आयोजक धर्मभूषण ॲड. दिलीप ठाकूर यांनी सांगितले की, “सिनेमाचे तिकीट जरी मोफत देण्यात येत असले तरी, पूर्व अनुभव लक्षात घेऊन तिकीट वाया जाऊ नये यासाठी प्रति तिकीट ₹२० नाममात्र शुल्क आकारण्यात येणार आहे. या शुल्काच्या बदल्यात प्रत्येक प्रेक्षकाला एक मिनरल वॉटरची बाटली देण्यात येणार आहे.हा उपक्रम माझा एकट्याचा नसून समाजाच्या सहभागातून साकारत आहे. समाजजागृतीसाठी प्रत्येकाने आपला हातभार लावावा “.या संधीचा लाभ घेऊन अधिकाधिक मुलींनी या उपक्रमात सहभागी व्हावे असे आवाहन करण्यात आले आहे.स्वीकृत सदस्य पदासाठी निवड होता होता राहिली तरी निराश न होता पक्षाच्या वतीने उपक्रम घेणे सुरूच ठेवल्याबद्दल दिलीप ठाकूर यांचे सर्वत्र कौतुक होत आहे.