प्रतिनिधी, दि.०२ :- एक ऑगस्ट रोजी देगलुर शहरात एकीकडे साहित्यसम्राट ,लोकशाहीर अण्णाभाऊ साठे यांची जयंती साजरी होत होती. त्यात शाळा ,महाविद्यालय ,सरकारी ,सहकारी कार्यालय ,संस्था ,नगर परिषद, अशा अनेक ठिकाणी अत्यंत उत्साहाने साहित्यसम्राट ,लोकशाहीर आण्णाभाऊ साठे यांची जयंती साजरी करण्यात आली. ढोल ताशाच्या गजरात मिरवणुकी काढण्यात आल्या लोकशाहीर याच्या प्रतिमेस, फोटोस पुष्पहार घालून त्यांचे यथोचित अभिवादन करण्यात आले तर दुसरीकडे मात्र जिल्हा परिषद बांधकाम विभागामध्ये या लोकशाहीर, महामानवाची जयंती दुर्लक्ष पूर्वक साजरी करण्यात आली नाही.
याबाबत सविस्तर वृत्त असे आहे की, सार्वजनिक बांधकाम विभागाच्या पहिल्या मजल्यावर जिल्हा परिषद बांधकाम विभागाचे कार्यालय देखील आहे दैनिक महासागर समाचार चे प्रतिनिधी सतीश पाटील केदारे व साप्ताहिक महिमा खादीचा चे संपादक गजानन बिडकर जयंती निमित्त कार्यालयात गेले असता सदर कार्यालयात जयंती साजरी न केल्याचे चित्र दिसून आले याबाबत कर्मचाऱ्यांशी विचारणा करता त्यांनी शाखा अभियंता व (उपकार्यकारी अभियंता) श्री बालाजी ग्रंथमवार साहेब यांना विचारण्यास सांगितले. त्यांच्याशी सविस्तर माहिती घेता आम्ही सार्वजनिक बांधकाम विभागात संयुक्त पद्धतीने जयंती साजरी करीत असतो असे सांगितले पण दोन्हीही विभाग वेगवेगळे असल्याचे बोलताच त्यांनी पुढे बोलण्याचे टाळले व आपण याबाबतीत कार्यकारी अभियंता श्री गंगथडे यांना भेटण्याबाबत सुचवले सदर बाबतीत श्री गंगथडे साहेब यांना विचारणा केली असता हे प्रकरण मला आत्ताच माहित झाले असून याबाबतीत मी सहाय्यकांना विचारणा केली आहे. व या पुढील प्रत्येक जयंती आपल्याच कार्यालयामध्ये करण्याचे सुचवले आहे असे सांगितले.
महामानवाच्या जयंती प्रत्येक कार्यालयात साजरी करणे बंधनकारक आहे असे शासनाचे आदेश असताना देखील संबंधित कार्यालयातून या आदेशाची पायमल्ली होत असल्याचे दिसून आले.
