देगलूर प्रतिनिधी,दि.०६:- गेल्या २९ वर्षापासून पत्रकारिता क्षेत्रात कार्यरत असलेले देगलूरचे प्रथम दैनिक काळ वेळ व साप्ताहिक त्रिसिमा नायकचे संपादक प्रकाश माधवराव रेणगुंटवार यांना मराठवाडा स्तरावरील ‘मराठवाडा समाज भूषण’ पुरस्काराने सन्मानित करण्यात आले.
गेल्या २९ वर्षांपूर्वी ज्येष्ठ पत्रकार संपादक आदरणीय निखिलजी वागळे साहेब यांच्या दैनिक आपलं महानगर या दैनिकाच्या मराठवाडा आवृत्तीसाठी संपादक निशिकांतजी भालेराव सर यांच्या मार्गदर्शनाखाली देगलूर तालुका प्रतिनिधी म्हणून पत्रकारितेची सुरुवात केली नंतर २६ वर्षांपूर्वी देगलूर सारख्या दुर्गम भागातून
दैनिक वृत्तपत्राची सुरुवात करून दैनिक काळ वेळ या रूपाने सतत १५ वर्ष नियमित दैनिकाचे प्रकाशन केले. करून देगलूर व परिसरातील दररोजच्या घडामोडी जनतेपर्यंत पोहोचवल्या. बदलत्या परिस्थितीनुसार गेल्या १३ वर्षापासून साप्ताहिक त्रिसीमा नायक या रूपाने ते आजही पत्रकारिता क्षेत्रात कार्यरत आहेत व आजही साप्ताहिक त्रिसीमा नायक प्रकाशित होत आहे .
त्यांच्या आजवरच्या कार्याचा गौरव म्हणून हा पुरस्कार त्यांना मिळत असल्याचे बोलले जात आहे . जिद्दीने व चिकाटीने पत्रकारिता क्षेत्रात सक्षमपणे व भक्कमपणे उभे असल्यामुळे कामाची पावती म्हणून विभागीय पातळीवरील ‘मराठवाडा समाजभूषण’ पुरस्कार बहुजन समाज पार्टीच्या वतीने प्रदान करण्यात आले.
