हैदराबाद प्रतिनिधी, दि.२२:-
छत्रपती शिवाजी महाराज सांस्कृतिक ट्रस्ट व तेलंगाना मराठा मंडळ यांच्या संयुक्त विद्यमाने आयोजित ‘दसरा दिवाळी’ स्नेहसंमेलन २०२२ दोन दिवसांपूर्वी अगदी थाटात पार पडला. हा उत्सव रंगारेड्डी जिल्ह्यातील बाळापुर मंडळ मधील काटेदान येथील जलपली येथे मराठा समाजाकडून बांधण्यात आलेल्या ‘मराठा भवन’ येथे पार पडला. यावेळी असंख्य मराठा बांधव भगिनी उपस्थित होते या कार्यक्रमाला प्रमुख पाहुणे म्हणून नंदकुमार जवळकर, (डीसीपी) डॉक्टर कार्तिक जाधव, डॉक्टर मदन मोहन माने, ऋषिकेश भोसले. आदी मान्यवर लाभले होते.
या कार्यक्रमाची सुरुवात उपस्थित मान्यवराच्या हस्ते दीपप्रज्वलनाने झाली कार्यक्रमाच्या सुरुवातीला सांस्कृतिक गायनाने सुरुवात झाली, त्यानंतर मलखांब या लोप पावत चाललेल्या प्राचीन संस्कृतीला अकरा ते वीस वयोगटातील क्रीडा कलावंतांनी प्रदर्शित करून उपस्थितांची मने जिंकून कार्यक्रमात जिव ओतला. त्यानंतर भरतनाट्यम, रिंग डान्स करून प्रेक्षकांना मंत्रमुग्ध करण्यात आले. अरविंद लहानकर समूहाने मराठी गब्बर शोले प्रस्तुत करून एकच हसा पिकवला.
त्यानंतर मराठा मंडळाच्या प्रभावी अध्यक्षाने मंडळाचे कार्य, कार्याची गती, व परिणाम याच्यावर स्पष्टीकरण दिले. छोट्याशा समूहाने एकेकाळी हाती घेतलेले कार्य आज कसे पसरत आहे हे अध्यक्ष भाषणात त्यांनी सांगितले. त्यासाठी अनेकांचा पुढाकार व हजारो अदृश्य हातांचाही त्यांनी उल्लेख केला व त्याबद्दल हजारो मराठी लोकांचे त्यांनी आभार मानले .
मराठा समाजाच्या जुने व ज्येष्ठ कार्यकर्ते प्रकाश सुर्वे यांनी यावेळी मराठा समाजाला नवतरुनांनी पुढाकार घेऊन या कामाला गती दिल्याचे बोलले.यावेळी आपले काही विचार व सूचना ते तरुणांना देण्यास विसरले नाहीत, शहरातील इतर मराठी समूह देखील या कार्यक्रमात सहभागी होते जसे छत्रपती शिवाजी मराठा नवयुवक मंडळ, तेलंगणा मराठा महिला मंडळ, तेलंगणा मराठा गोल्ड व सिल्वर रिफायनरीज, व तेलंगणा वारकरी भजन मंडळ. यांचा देखील या कार्यक्रमात पुढाकार होता.
या कार्यक्रमात विविध क्षेत्रातील मान्यवर विद्यार्थी कलावंत यांना पुरस्कृत करण्यात आले जसे कलावंतामध्ये अशोक पवार,(मेकअप आर्टिस्ट), (पीएचडी) प्राप्त संध्या चव्हाण, मानसी जाधव ऑलिंपिक खेळाडू पांडुरंग शिंदे, (एम.टेक) विद्यार्थी अक्षिता शिंदे. (बी.टेक) विद्यार्थी धीरज शिंदे. आधी तर विविध क्षेत्रात पारंगत व नामवंत जसे मलखांब कोच दिलीप गव्हाणे, पत्रकार महेश उपाध्ये, गजानन बिडकर आदी व्यक्तींना सन्मानित करण्यात आले त्यात विद्यार्थ्यांचाही समावेश होता.
या कार्यक्रमाचे सूत्रसंचालन ज्योती शिंदे यांनी केले यावेळी अरुणा जगताप, रेखा पराते, प्रभावती जाधव, अरुणा शिंदे, शंकर जाधव, हरीश कोणाळे, मोनीश घाडगे, राम शेरीकर, विश्वनाथ वाडीकर, पवन शिंदे, नामदेवराव जाधव, उमाकांत पोळ, विठ्ठलराव पाटील, कोशीर काशीवाले, दिनेश अंबारे, रितेश जाधव, मारोतीराव गायकवाड, अमर जाधव, जयराम बिरादार, दगडू यादव, श्रीनिवास घाडगे. आधी उपस्थित होते.
या कार्यक्रमाला यशस्वी करण्यासाठी सेक्रेटरी लक्ष्मीकांत शिंदे यांनी विशेष परिश्रम घेतले.
