देगलूर प्रतिनिधी,दि.२३:- अडत व्यापारी शिक्षण संस्था संचलित देगलूर महाविद्यालयातील राष्ट्रीय सेवा योजना विभागाच्या वतीने कौमी एकता सप्ताह निमित्त “अल्पसंख्यांक कल्याण दिवस” २१नोव्हेबर २०२२ रोजी साजरा करण्यात आला.
या कार्यक्रमाचे अध्यक्ष महाविद्यालयाचे प्राचार्य डॉ. मोहन खताळ प्रमुख पाहुणे उपप्राचार्य डॉ.अनिल चिद्रावार मार्गदर्शक प्रा. डॉ. राजेश्वर दुडूकनाळे उपस्थित होते. याप्रसंगी डॉक्टर राजेश्वर दुडुकनाळे यांनी सर्व भारतीय माझे बांधव आहेत अशी प्रार्थना आपण रोज म्हणतो पण त्या पद्धतीने आपले आचरण नसते.
आपल्या देशातील बंधुता कशी राखण्यात येईल. याकडे आजच्या तरुण पिढीला लक्ष देण्याची आवश्यकता आहे असे याप्रसंगी विद्यार्थ्यांना मार्गदर्शन केले या कार्यक्रमाचे सूत्रसंचालन एन. एस. एस. कार्यक्रमाधिकारी डॉ. सुरेश काशिदे यांनी केले व आभार डॉ. व्यंकट खदकुरे यांनी मानले. या कार्यक्रमास राष्ट्रीय सेवा योजनेचे स्वयंसेवक व स्वंयसेविका मोठ्या प्रमाणात उपस्थित होते.
