देगलूर प्रतिनिधी,दि.०९ :- अडत व्यापारी शिक्षण संस्था संचलित देगलूर महाविद्यालयातील राष्ट्रीय सेवा योजना विभाग आणि रुग्णसेवा मंडळ देगलूर यांच्या संयुक्त विद्यमाने काल ०८ मार्च २०२३ रोजी “जागतिक महिला दिन” साजरा करण्यात आला.
महिला दिनाच्याऔचित्याने महिला आरोग्यविषयक मार्गदर्शन शिबिर संपन्न झाले.
या कार्यक्रमास कार्यक्रमाचे अध्यक्ष महाविद्यालयाचे प्राचार्य डॉ. मोहन खताळ उपस्थित होते. तर प्रमुख मार्गदर्शक डॉ. शोभा भूमे (स्त्रीरोगतज्ञ) , डॉ.गीता रेखावार (पैथोलाजिस्ट) डॉ. गीता बालूरकर (भूलतज्ञ) यांचे मार्गदर्शन महाविद्यालयातील विद्यार्थिनींना आरोग्यविषयक मार्गदर्शन केले.
या कार्यक्रमास प्रमुख उपस्थिती अडत व्यापारी शिक्षण संस्थेचे कार्यकारणी सदस्य मा. देवेंद्र मोतेवार, उपप्राचार्य डॉ. अनिल चिद्रावार, IQAC समन्वयक डॉ. लक्ष्मणकुमार सुदाम उपस्थित होते. सावित्रीबाई फुले यांच्या प्रतिमेचे पूजन करण्यात आले व त्यानंतर ‘महिला सन्मानाची शपथ’ प्राचार्यांनी सर्वांना दिली .या कार्यक्रमात महाविद्यालयातील प्राध्यापिका व महिला कर्मचारी यांचा सत्कार करण्यात आले.
या कार्यक्रमास महाविद्यालयातील विद्यार्थिंनी व राष्ट्रीय सेवा योजना च्या स्वयंसेविका मोठ्या प्रमाणात उपस्थित होत्या. या कार्यक्रमास डॉ. बालाजी कत्तुरवार, डॉ. विठ्ठल जंबाले, डॉ. संतोष येरावार, प्रा. अब्दुल रहीम डांगे, डॉ. राजेश्वर दुडूकनाळे, डॉ. विनय भोगले, डॉ. नीरज उपलंचवार, प्रा. साईआकाश रोटे उपस्थित होते. या कार्यक्रमाचे सूत्रसंचालन डॉ. शेख परवीन यांनी केले व आभार प्राध्यापिका मंदाकिनी बिरादार यांनी मानले. हा कार्यक्रम यशस्वी करण्यासाठी राष्ट्रीय सेवा योजना कार्यक्रमाधिकारी डॉ. सुरेश काशिदे, प्रा. विनोद काळे व डॉ. व्यंकट खंदकुरे यांनी परिश्रम घेतले.
