देगलूर प्रतिनिधी,दि.०७ :- अडत व्यापारी शिक्षण संस्था संचलित देगलूर महाविद्यालयातील लोकप्रशासन विभाग व द फोरम ऑफ पब्लिक एडमिनीस्ट्रेशन यांच्या संयुक्त विद्यमाने भारतरत्न डॉ बाबासाहेब आंबेडकर यांच्या जयंतीनिमित्य दि.१२/०४/२०२३ रोजी खुली निबंध स्पर्धा आयोजित करण्यात आली आहे.
प्रस्तुत स्पर्धेत यशस्वी ठरलेल्या तीन विद्यार्थ्यांना भारतीय संविधान, UPSC व MPSC साठी उपयुक्त संदर्भ ग्रंथ व पुस्तके बक्षीस स्वरुपात दिली जाणार आहेत. स्पर्धेसाठी खालिल विषय ठेवन्यात आले आहे.
1) डॉ. बाबासाहेब आंबेडकर यांचे प्रशासकीय विचार
2) डॉ. बाबासाहेब आंबेडकर यांचे राजकीय विचार
3) डॉ. बाबासाहेब आंबेडकर यांचे सामाजिक विचार
4) डॉ. बाबासाहेब आंबेडकर यांचे शैक्षणिक तत्वज्ञान या पैकी एका विषयावर निबंध स्पर्धेत भाग घेता येईल. प्रस्तुत स्पर्धा दिनांक १२/०४/२०२३ रोजी सकाळी ठीक ११.०० ते १२.०० या वेळेत आयोजित केली असुन इच्छुक विद्यार्थ्यानी लोकप्रशासन विभागप्रमुख डॉ. बी. आर. कतुरवार , डॉ एस एम देबडे, डॉ बालाजी कोंकटवार, डॉ. धनराज लझडे यांच्याकड़े नोंदवावे असे अवाहन प्राचार्य डॉ मोहन खताळ यांनी केले आहें.
