डाॅ.संजय कदम यांच्या हस्ते शाळेला प्रमाणपत्र प्रदान.
मुखेड प्रतिनिधी,दि.१९:-मुखेड तालुक्यातील मौजे जाहुर येथील जिल्हा परिषद शाळेला इंटरनॅशनल स्टँडर्डस ऑर्गनायझेशन (आयएसओ) नामांकन दर्जा प्राप्त झाले असुन आयएसओचे प्रतिनिधी डाॅ.संजय कदम यांच्या हस्ते मुख्याध्यापक पि.एल.मोरे यांच्याकडे प्रमाणपत्र बहाल करण्यात आले आहे.शाळेला मिळालेल्या आयएसओ प्रमाणपत्रामुळे नवीन उर्जा प्राप्त झाली आहे.
आजच्या स्पर्धेच्या युगात ग्रामीण तसेच शहरी भागातील पालक तसेच विद्यार्थी यांचा कौल हा इंग्रजी माध्यमांच्या शाळांकडे वाढत असून हे सध्याचे चित्र पाहता मराठी माध्यमांच्या जिल्हा परिषद शाळा स्वतःमध्ये बदल घडवून आणण्यासाठी धडपड करताना दिसून येत आहेत त्याचाच एक भाग म्हणून मुखेड तालुक्यातील जाहुर येथील जिल्हा परिषद हायस्कुलने आयएसओ नामांकन प्रमाणपत्र प्राप्त केले आहे.
गटशिक्षण अधिकारी कैलास होनधरणे, शिक्षण विस्तार अधिकारी विठ्ठल वडजे, केंद्रप्रमुख आर.डी.शिंदे यांच्या मार्गदर्शनाखाली जाहुर शाळेचे मुख्याध्यापक पि.एल.मोरे, शालेय व्यवस्थापन समितीचे अध्यक्ष प्रभाकर हिवराळे यांच्यासह शाळेतील शिक्षक, शिक्षिका व शिक्षकेत्तर कर्मचाऱ्यांनी शाळेची अंतर्गत तसेच बाह्य गुणवत्ता वाढवण्यासाठी अथक परिश्रम घेतल्यामुळे या कार्याची दखल घेत इंटरनॅशनल स्टँडर्डस ऑर्गनायझेशन मुंबई यांच्या वतीने शाळेचे गुणवत्ता विषयक
मुल्यमापन केले असता या शाळेने आवश्यक असलेली स्वतःची गुणवत्ता सिद्ध करून दाखवली त्यामुळे शाळेला प्रमाणपत्र देवून सन्मानित करण्यात आले.आयएसओ सारख्या नामांकित संस्थेकडुन जिल्हा परिषद शाळेला नामांकन प्रमाणपत्र प्राप्त झाल्यामुळे जि.प.शाळेकडे पहाण्याचा पालकांचा दृष्टिकोन बदलेल आणी विद्यार्थी शाळेत प्रवेश घेण्यासाठी हामखास प्रेरित होतील यात तिळ मात्र शंका नाही.जाहुर जि.प.शाळेला आयएसओ नामांकन दर्जा मिळाल्याबद्दल
आमदार डाॅ.तुषार राठोड, सभापती खुशाल पाटील उमरदरीकर, गटविकास अधिकारी सि.एल.रामोड, गटशिक्षण अधिकारी कैलास होणधरणे, शिक्षण विस्तार अधिकारी विठ्ठलराव वडजे, केंद्रप्रमुख आर.डी.शिंदे,शिक्षक संघटनेचे नेते नरसिंग सोनटक्के, भाजपाचे युवा नेते किरण पाटील बोडके जाहुरकर यांनी संबधिंत केद्राचे केंद्रप्रमुख,मुख्याध्यापक, शालेय व्यवस्थापन समितीचे अध्यक्ष व शिक्षकांचे अभिनंदन केले आहे.
