मान्यवरांच्या हस्ते वृक्ष लागवड व शासकीय कर्मचाऱ्यांचे सत्कार करण्यात आले.
देगलुर प्रतीनिधी दि.२७ :- शहापूर जिल्हा परिषद हायस्कूलमधील २००९-१० च्या बॅचच्या माजी विद्यार्थी विद्यार्थिनी पुन्हा एकदा एकत्र येत जुन्या आठवणींना उजाळा दिला. तब्बल १४ वर्षानंतर ७५ माजी विद्यार्थ्यांचा गेट टुगेदर नुकताच पार पडला. या मेळाव्यात ७०-७५ माजी विद्यार्थ्यांकडून शाळे मध्ये वृक्ष लागवड देखील करण्यात आले एवढेच नव्हे तर त्या वृक्षाची जबाबदारी देखील या बॅचने घेतली आहे.
७०-७५ विद्यार्थ्यांचा सहभाग
येत्या काही दिवसांत शहापूर शाळेतील काही गरीब व होतकरू विध्यार्थाना सर्व प्रकारचे शालेय साहित्य बॅचकडून देण्यात येणार आहेत.
शाळेतील माजी विद्यार्थी आज वेगवेगळ्या क्षेत्रात चांगल्या पदांवर कार्यरत आहेत. शासकीय, पत्रकार,उद्योजक तर कुणी व्यवसायिक क्षेत्रात वेगळा ठसा उमटवला आहे. अशा माजी विद्यार्थ्यांकडून सामाजिक बांधिलकी जोपासत शाळेत प्रति कृतज्ञता व्यक्त करण्यासाठी वृक्ष लागवड,आर्थिक मदतीचा हात देण्याचा निर्णय
यावेळी घेण्यात आला. त्यावेळी गुरुवर्य म्हणून संजय सिंग राजपूत ( मुख्याध्यापक ) आनंद रेनगुंटवार ( मुख्याध्यापक ) व कार्यक्रमाचे रूपरेषा व जबाबदारी म्हणून अमोल चिंतलवार ,प्रवीण सुरकुंटे, वसीम शहापूरकर ,शशांक शेषनगार, शिवदास भंडारे , राम ओसावार व सहकारी मित्रांचे मुलींचे देखील सहकार्य लाभले व त्यावेळी वर्गमित्र समितीतर्फे सर्वांचे आभार देखील मानण्यात आले..
