‘एकमत’च्या २४ व्या वर्धापनदिनानिमित्त मुखेडचे बालाजी पाटील ढोसणे यांना सन्मान
मुखेड प्रतिनिधी, दि.२६:- नांदेड जिल्ह्यातील लोकप्रिय दैनिक ‘एकमत’ या वृत्तपत्राचा २४ वा वर्धापनदिन व कृतज्ञता सन्मान सोहळा दिनांक २६ ऑगस्ट २०२५ रोजी आयोजित करण्यात आला आहे. हा सोहळा दुपारी १ वाजता नांदेड जिल्हाधिकारी कार्यालय परिसरातील नियोजन भवन येथे पार पडणार आहे.
या सोहळ्यात मुखेडचे सामाजिक कार्यकर्ते मा. श्री. बालाजी पाटील ढोसणे यांचा मान्यवरांच्या हस्ते विशेष सन्मान करण्यात येणार आहे. या निमित्ताने आयोजकांनी मुखेडचे एकमतचे तालुका प्रतिनिधी महेताब शेख यांच्या हस्ते ढोसणे यांना त्यांच्या कुटुंबियांसह व मित्रपरिवारासह उपस्थित राहण्याचे आमंत्रण दिले आहे.
दै‘एकमत’चे व्यवस्थापकीय संपादक मंगेश देशपांडे व नांदेड आवृत्ती संपादक चारुदत्त चौधरी यांनी ही माहिती दिली.