हैदराबाद दि.०५ : – ऋषी विद्यानिकेतन हायस्कूलच्या विद्यार्थ्यांनी पुन्हा एकदा क्रीडा क्षेत्रात आपली चमक दाखवली आहे. ६९ व्या शालेय क्रीडा महासंघ (SGF) हिमायतनगर झोन, हैदराबाद यांच्या वतीने आयोजित कबड्डी अंडर-१४विभागातील स्पर्धेत या शाळेच्या संघाने पहिला क्रमांक पटकावला.
खेळाडूंनी उत्कृष्ट संघभावना, शिस्त आणि धैर्य दाखवून सर्वांची मने जिंकली. हा विजय शाळेच्या क्रीडाप्रती असलेल्या बांधिलकीचे प्रतीक ठरत असून विद्यार्थ्यांच्या सर्वांगीण विकासाचा पुरावा मानला जातो.
शाळा व्यवस्थापन, शिक्षकवर्ग तसेच पालकांनी संघाच्या विजयाबद्दल आनंद व्यक्त करत भविष्यातील स्पर्धांमध्येही यश मिळावे अशी शुभेच्छा दिल्या.