चाकुर फाटा–चाकुर गाव रस्त्याच्या डांबरीकरणासाठी शिवसेनेचे आमरण उपोषण
देगलूर : चाकुर फाटा ते चाकुर गाव या रस्त्याचे गेल्या 20 वर्षांपासून डांबरीकरण न झाल्याने वाहनधारक, विद्यार्थी, रुग्ण व ग्रामस्थांना प्रचंड त्रास सहन करावा लागत आहे.
रस्त्याच्या खराब स्थितीमुळे अपघात वाढले असून जीवितहानीही होत आहे. या गंभीर प्रश्नाकडे शासनाचे लक्ष वेधण्यासाठी शिवसेना (उद्धव बाळासाहेब ठाकरे गट) तर्फे आज दिनांक 10 सप्टेंबर रोजी देगलूर येथील कार्यकारी अभियंता कार्यालयासमोर आमरण उपोषण सुरू करण्यात आले.
उपोषणास विभाग प्रमुख गंगाधर पाटील चाकूरकर बसले असून, यावेळी तीव्र आंदोलन, घोषणाबाजी आणि निदर्शने करण्यात आली. आंदोलनात शिवसेना उपजिल्हाप्रमुख महेश पाटील देगलूर, शहर प्रमुख संजय जोशी, युवासेना
तालुका प्रमुख तथा शिवसेना सोशल नेटवर्कर प्रमुख भागवत पाटील सोमुरकर, होट्टल शाखाप्रमुख गंगाधर वंकलवार, काठेवाडी सर्कल प्रमुख तुकाराम महाराज निवळे, तसेच शिवाजी सोनकांबळे, चंद्रकांत उनगृतवार, बाबु राजुने,
लक्ष्मण बिरादार, पंढरी बिरादार, ओमकार बिरादार, श्रीनिवास बिरादार, सोनू बिरादार, गंगाधर राजुने, संतोष बिरादार, सोमेश्वर बिरादार, सचिन बिरादार यांच्यासह शेकडो ग्रामस्थ मोठ्या संख्येने उपस्थित होते.
ग्रामस्थांनी शासनाकडे तातडीने रस्त्याचे डांबरीकरण करण्याची मागणी केली आहे.