हैदराबादमध्ये प्रवासी कामगाराचा आकस्मिक मृत्यू; झारखंड एकता समाजाची तत्पर मदत.
हैदराबाद प्रतिनिधी :दि.२७,झारखंड प्रदेशातील गिरिडीह जिल्ह्यातील धनवार उपविभागातील राजधनवार पोलीस ठाण्याच्या हद्दीतील बरोड गावातील रहिवासी बलदेव यादव (वय 43), पिता जागो यादव, यांचे हैदराबाद येथे आकस्मिक निधन झाले. बलदेव यादव हे मागील काही वर्षांपासून हैदराबादमध्ये प्रवासी कामगार म्हणून कार्यरत होते. काल त्यांच्या प्रकृतीमध्ये अचानक गंभीर बदल झाल्याने त्यांचे तुरुप बाजार परिसरातच निधन झाल्याचे समजते.
घटनेनंतर त्यांच्या सहकाऱ्यांनी घाबरून तत्काळ ही माहिती झारखंड एकता समाज (रजिस्ट्रेशन क्रमांक ३०७/१८), तेलंगणा यांना कळविली. माहिती मिळताच समाजाचे केंद्रीय अध्यक्ष श्री. विनोद यादव यांनी तात्काळ आपल्या केंद्रीय समितीला सूचना देत घटनास्थळी धाव घेतली. आवश्यक कायदेशीर प्रक्रिया पूर्ण करून मृतदेह त्यांच्या मूळगावी पाठविण्यासाठी त्यांनी पुढाकार घेतला.
या कार्यात केंद्रीय समितीचे उपाध्यक्ष मनोज यादव, सल्लागार उमेश यादव, सचिव संतोष यादव, बृजकिशोर यादव, राजू प्रसाद यादव, राजेंद्र यादव, ब्रह्मदेव यादव, जयंत शर्मा, सुनील यादव, एबिड्स अध्यक्ष पिंटू यादव, मुकेश यादव, योगेंद्र यादव, कुलदीप यादव, कृष्णा यादव, सिकंदर यादव, सिकंदराबाद अध्यक्ष विजय यादव, अवधजी तसेच समाजातील विविध विभागाध्यक्ष व सन्माननीय सदस्य यांनी सक्रिय सहभाग घेतला.
सर्वांनी मिळून मानवी धर्म जपत आर्थिक मदतही दिली असून मृतदेह त्यांच्या वडिलांच्या मूळगावी — बरोत्तंड, राजधनवार — येथे पाठविण्यात आला. समाजातील सदस्यांच्या या संवेदनशील प्रतिसादामुळे दुःखी कुटुंबीयांना मोठा आधार मिळाला आहे.