हैदराबाद दि.०५ :- दोमलगुडा येथील शासकीय शारीरिक शिक्षण महाविद्यालय (जी.सी.पी.ई.) चे इन्चार्ज प्रिन्सिपाल म्हणून नुकत्याच नियुक्त झालेल्या प्रा. आलेरु बालराजू यांचा तेलंगणा नॉन गॅझेटेड ऑफिसर्स असोसिएशनतर्फे गौरवपूर्ण सत्कार करण्यात आला.
या कार्यक्रमाला असोसिएशनचे अध्यक्ष एम. जगदीश्वर, मुख्य सचिव एस. एम. मुजीब, राज्य असोसिएट अध्यक्ष कस्तुरी वेंकटेश्वरलू, सचिव जी. चंद्रशेखर गंगपुत्र, हैदराबाद सिटी अध्यक्ष कट्कुरी श्रीकांत, मुख्य सचिव हरिकृष्ण आदी मान्यवर उपस्थित होते.
राज्य ज्युनियर कॉलेज फिजिकल डायरेक्टर्स असोसिएशनचे मानद अध्यक्ष डॉ. एस. सोमेश्वरराव, अध्यक्ष डॉ. बी. लक्ष्मय्या, तसेच वरिष्ठ फिजिकल डायरेक्टर्स सुरेश कुमार, वेंकटेश्वरलू, स्वरूप दयाळ, डॉ. प्रसाद यांच्यासह अन्य उपस्थित मान्यवरांनी प्रा. बालराजू यांचा पुष्पगुच्छ व शाल देऊन सत्कार केला. कार्यक्रम अत्यंत उत्साहात पार पडला.