हदगाव येथे जागतिक दिव्यांग दिन उत्साहात साजरा.

हदगाव येथे जागतिक दिव्यांग दिन उत्साहात साजरा.

हदगाव प्रतिनिधी,दि.०३ :– जागतिक दिव्यांग दिनानिमित्त सम्राट अशोक निवासी मतिमंद विद्यालय तामसा रोड हदगाव, निवासी मूकबधिर विद्यालय हदगाव आणि साईबाबा निवासी दिव्यांग विद्यालय हदगाव यांच्या संयुक्त विद्यमाने विविध उपक्रमांचे आयोजन करण्यात आले.

कार्यक्रमाची सुरुवात हेलन केलर यांच्या प्रतिमेचे पूजन करून करण्यात आली. यानंतर आयोजित रॅलीचे उद्घाटन आदर्श शिक्षिका सौ. शारदाताई काळे यांच्या शुभहस्ते झाले. तीनही विद्यालयांमधील दिव्यांग विद्यार्थ्यांनी विविध घोषवाक्यांसह शहरात जनजागृती रॅली काढली.

यावेळी तीनही शाळांचे मुख्याध्यापक—श्री मोरे जी.बी., श्री इबितवार टी.एन., श्री आचार्य आर.व्ही., श्री बोधने एस.एस., श्री वनंजे एस.के., कु.डॉ. गव्हाणे पी.यू., सौ. घाटे व्ही.जी. तसेच श्री गजानन इबितवार—उपस्थित होते.

कार्यक्रमाचे विशेष प्रमुख पाहुणे म्हणून पंचायत समितीतील केंद्रीय विशेष शिक्षक श्री घाडगे सर यांनी उपस्थिती दर्शवून विद्यार्थ्यांचे उत्साहवर्धन केले.

रॅलीनंतर शाळेतील गुणवंत विद्यार्थ्यांचा सत्कार करून त्यांचा गौरव करण्यात आला. तीनही विद्यालयातील शिक्षक, शिक्षकेतर कर्मचारी आणि विद्यार्थ्यांनी कार्यक्रमात उत्स्फूर्त सहभाग नोंदवला.

दिव्यांग विद्यार्थ्यांमध्ये आत्मविश्वास, सामाजिक भान आणि जागरूकता वाढवण्याच्या दृष्टीने आयोजित हा उपक्रम सर्वांच्या कौतुकास पात्र ठरला.