पत्रकार ताटे यांना पत्नीशोक.
देगलूर प्रतिनिधी, दि. २३ :- शहरातील बापूनगर येथील रहिवासी कै. आशा राजीव ताटे (वय ४६) यांचे अल्पशा आजाराने गुरुवार दि. २२ जानेवारी रोजी रात्री साडेदहा वाजण्याच्या सुमारास दुःखद निधन झाले.
त्यांच्या पार्थिवावर शुक्रवार दि. २३ रोजी सकाळी ११ वाजता देगलूर येथील सार्वजनिक स्मशानभूमीत अंत्यसंस्कार करण्यात येणार आहेत.
कै. आशा ताटे यांच्या पश्चात पती, सासू-सासरे, एक मुलगा, एक मुलगी तसेच भाऊ-बहीण असा परिवार आहे. त्या लोकमतचे प्रतिनिधी तसेच साधना शाळेतील इंग्रजी विषयाचे माध्यमिक शिक्षक राजीव ताटे यांच्या पत्नी होत.
त्यांच्या निधनाने परिसरात हळहळ व्यक्त करण्यात येत आहे.