नांदेड प्रतिनिधी दि.२३ :- मकर संक्रांतीनिमित्त नांदेड येथील राणी जयवंता ग्रुपतर्फे सतत तेराव्या वर्षी क्षत्रिय राजपूत समाजासाठी भव्य हळदी-कुंकू कार्यक्रमाचे आयोजन करण्यात आले होते. या कार्यक्रमात सुमारे ३५० राजपूत महिलांनी उत्स्फूर्त सहभाग नोंदवत विविध स्पर्धांमधून कार्यक्रमात रंगत आणली. यावेळी उपस्थित महिलांनी एकत्र येत बालविवाह निर्मूलनाची शपथ घेत समाजप्रबोधनाचा संदेश दिला.
सुषमा ठाकूर यांच्या मार्गदर्शनाखाली पार पडलेल्या या कार्यक्रमाची सुरुवात छत्रपती महाराणा प्रतापसिंह यांच्या प्रतिमेचे पूजन करून करण्यात आली. कार्यक्रमास आलेल्या प्रत्येक भगिनीचे पुष्प देऊन मनःपूर्वक स्वागत करण्यात आले. आपल्या मनोगतात सुषमा ठाकूर यांनी मकर संक्रांती सणाचे सांस्कृतिक व सामाजिक महत्त्व विशद केले. महिलांनी वेळोवेळी वृक्षारोपण करावे. पाणी वाचवावे. गोदावरीचे पाणी घाण होणार नाही याची काळजी घ्या. मुलींवर चांगले संस्कार करा. त्यांना सक्षम करा. संस्कृती जपत सणांचा मान ठेवा असे सांगून त्यांनी उपस्थित सर्व भगिनींना संक्रांतीच्या शुभेच्छा दिल्या.
कार्यक्रमानिमित्त उपस्थित महिलांसाठी खास भोजनाची व्यवस्था करण्यात आली होती. तसेच सर्व महिलांना वाण म्हणून सुंदर व आकर्षक भेटवस्तू देण्यात आल्या. संपूर्ण कार्यक्रमाचे सूत्रसंचालन जयश्री ठाकूर व नंदा चौहान यांनी केले, तर आभार बबीता परिहार यांनी मानले.
विविध वयोगटातील महिलांसाठी घेण्यात आलेल्या संगीत खुर्ची स्पर्धेत सुनिता चौहान, प्रतिभा चंदेल, शोभा चौहान, ममता बायस, उषा ठाकूर व तारा कायस्थ यांनी बाजी मारली. गायन स्पर्धेत आशा ठाकूर, पुनिता रावत, हर्षा बायस, संतोषी चौहान, पूनम बायस, बरखा ठाकूर व रंजीता चौहान या विजयी ठरल्या.
‘वन मिनिट गेम’मध्ये अनिता ठाकूर, पूनम चौहान, पूजा ठाकूर, सुनिता परदेशी, निर्मला चौहान, लता भारद्वाज, विनया तेहरा, नीता चौहान, गीता चंदेल व मीना चौहान यांनी आपले कसब दाखविले. वेशभूषा स्पर्धेत माया चौहान, अनिता चंदेल, शोभा चौहान, अंबिका तेहरा, मीरा चौहान व पुष्पा चंदेल यांनी सहभाग नोंदवला.
उत्साह, संस्कृती आणि समाजप्रबोधन यांचा सुंदर संगम साधत हा हळदी-कुंकू कार्यक्रम सर्व उपस्थितांच्या स्मरणात राहणारा ठरला.