उपजिल्हा रुग्णालयात ३ फेब्रुवारी रोजी बिनाटाक्यांची कुटुंब कल्याण शस्त्रक्रिया शिबिर; नागरिकांनी लाभ घ्यावा – आरोग्य विभागाचे आवाहन
देगलूर प्रतिनिधी, दि. ३० :- सर्वसामान्य नागरिकांच्या आरोग्याच्या दृष्टीने उपजिल्हा रुग्णालयात कुटुंब कल्याण शस्त्रक्रिया (Laparoscopic – बिनाटाक्याची पद्धत) शिबिराचे आयोजन करण्यात आले आहे. हे शिबिर दि. ०३ फेब्रुवारी २०२६ रोजी आधुनिक मशीनद्वारे पार पडणार असून जास्तीत जास्त पात्र लाभार्थ्यांनी या सुविधेचा लाभ घ्यावा, असे आवाहन आरोग्य विभागाच्या वतीने करण्यात आले आहे.
या शिबिरामध्ये अत्याधुनिक लॅप्रोस्कोपिक (बिनाटाके) पद्धतीने शस्त्रक्रिया केली जाणार आहे. या पद्धतीमुळे रुग्णांना कमी वेदना, कमी वेळात शस्त्रक्रिया आणि लवकर बरे होण्याचा फायदा मिळतो. तसेच रुग्णांना रुग्णालयात जास्त दिवस राहण्याची आवश्यकता नसून केवळ दोन दिवसांत घरी परत जाता येते व दैनंदिन हलकी कामे देखील लगेच करता येतात.
📍 शिबिराचे वेळापत्रक :
दि. ०२-०२-२०२६ : रुग्ण भरती
दि. ०३-०२-२०२६ : शस्त्रक्रिया
दि. ०४-०२-२०२६ : रुग्ण घरी सुटी
विशेष म्हणजे, पूर्वी डिलिव्हरी सीझर (Cesarean) झालेल्या महिलाही या शस्त्रक्रियेसाठी पात्र आहेत, असे डॉक्टरांनी स्पष्ट केले आहे.
अधिकाधिक नागरिकांनी या मोफत व सुरक्षित शस्त्रक्रिया शिबिराचा लाभ घ्यावा, असे आवाहन करण्यात आले आहे.
📞 अधिक माहितीसाठी संपर्क : राम दाचावार – 9423437434 यांच्याशी संपर्क साधावा.