आकाशवाणी विद्येत पारंगत मनोहर महाराज; जामणीतील दत्त मंदिर विस्ताराची इच्छा व्यक्त.
जामणी (ता. जैनत, जि. आदिलाबाद, तेलंगणा) :
पंचक्रोशीमध्ये “आकाशवाणी विद्या” आणि आध्यात्मिक मार्गदर्शनासाठी प्रसिद्ध असलेले जामणी येथील मनोहर महाराज यांची अलीकडेच भेट घेण्यात आली.
आदिलाबादपासून अवघ्या २० किलोमीटर अंतरावर असलेल्या जामणी गावातील त्यांच्या वास्तव्यस्थानी असलेल्या छोटेखानी दत्त मंदिरात ही स्नेहभेट पार पडली.
दत्तभक्त म्हणून ओळख असलेले मनोहर महाराज साधी राहणी व उच्च विचार या तत्त्वावर जीवन व्यतीत करतात.
भक्तांच्या संकटकाळात मार्गदर्शन व मानसिक आधार देणे, तसेच नागरिकांच्या समस्या समजून घेऊन योग्य तो सल्ला देणे, ही त्यांची वैशिष्ट्ये मानली जातात. पैसा किंवा इतर कोणत्याही स्वार्थापासून दूर राहून सेवा हीच साधना मानणाऱ्या महाराजांच्या कार्यामुळे पंचक्रोशीमध्ये त्यांची ख्याती पसरली आहे.
भेटीदरम्यान विविध सामाजिक, आध्यात्मिक व स्थानिक विषयांवर सविस्तर चर्चा झाली. नागरिकांच्या अडचणींबाबत त्यांची तत्परता व सकारात्मक दृष्टीकोन पाहून उपस्थितांचे मन प्रसन्न झाले. सध्याचे छोटेसे दत्त मंदिर विस्तारण्याबाबतही त्यांनी इच्छा व्यक्त केली असून, भविष्यात अधिक भाविकांना सुविधा उपलब्ध करून देण्याचा मानस त्यांनी व्यक्त केला.
या भेटीचे समन्वयन प्रॉपर आदिलाबाद येथील व सध्या हैदराबाद येथे वास्तव्यास असलेले आदरणीय श्री नितीनजी टिक्का सर यांच्या माध्यमातून झाले. त्यांच्या पुढाकारामुळे ही भेट घडून आल्याबद्दल उपस्थितांनी समाधान व्यक्त केले.
जामणीतील हे छोटेसे दत्त मंदिर भाविकांसाठी श्रद्धास्थान बनत असून, येथील आध्यात्मिक वातावरण व मनोहर महाराजांचे मार्गदर्शन यामुळे परिसरात भक्तिभाव अधिक दृढ होत असल्याचे चित्र दिसून येत आहे.
#मनोहरमहाराज #जामणी #नितीनजीटिक्कासर #दत्तमंदिर #आकाशवाणीविद्या #आदिलाबाद #तेलंगणा #आध्यात्मिकमार्गदर्शन