हैदराबाद प्रतिनिधी : मूळचे बीड जिल्ह्यातील माजलगाव येथील रहिवासी व सन २०२० पासून हैदराबाद येथे वास्तव्यास असलेले देविदासराव विश्वनाथराव कुलकर्णी यांचे नुकतेच निधन झाले. त्यांच्या निधनामुळे माजलगाव व हैदराबाद परिसरात शोककळा पसरली आहे.
देविदासराव कुलकर्णी हे माजलगाव येथे इरिगेशन वॉटर सप्लाय विभागात कार्यरत होते. अत्यंत मनमिळावू, शांत व सर्वांशी प्रेमाने वागणारा स्वभाव असल्यामुळे ते सर्वांना प्रिय होते. त्यांच्या जाण्याने नातेवाईक व मित्रपरिवारामध्ये हळहळ व्यक्त केली जात आहे.
त्यांच्या पश्चात मोठा मुलगा गजानन कुलकर्णी, सून मोहिनी कुलकर्णी, लहान मुलगा शरद कुलकर्णी तसेच एक नातू व एक नात असा परिवार आहे. गजानन कुलकर्णी हे हैदराबाद येथे वास्तव्यास असून ते पूजा-पाठ व वैदिक याज्ञिकी विधी करण्याचे कार्य करतात.
देविदासराव कुलकर्णी यांना चार भाऊ व तीन बहिणी असा मोठा परिवार असून त्यापैकी एका भावांचे पूर्वीच निधन झाले आहे.
देविदासराव कुलकर्णी यांच्या निधनामुळे त्यांचे सुपुत्र गजानन कुलकर्णी यांच्यावर पितृशोक कोसळला असून सर्व स्तरातून त्यांना सांत्वन करण्यात येत आहे.