धर्माबाद दौऱ्यात गजानन गंगाधरराव बिडकर यांचा जंगी सत्कार.
धर्माबाद प्रतिनिधी:- पुरोगामी पत्रकार संघ (भारत) यांचे तेलंगणा राज्याध्यक्ष तसेच साप्ताहिक महिमा खादीचा चे मुख्य संपादक गजानन गंगाधरराव बिडकर यांचा धर्माबाद दौऱ्यादरम्यान उत्साहपूर्ण वातावरणात जंगी सत्कार करण्यात आला.
धर्माबाद येथील साप्ताहिक नव्या युगाची वाटचाल चे मुख्य संपादक प्रेमसिंह इंदरसिंह चव्हाण आणि त्यांच्या मित्रपरिवाराच्या वतीने श्री. बिडकर यांचे शाल, पुष्पहार व पुष्पगुच्छ देऊन मनःपूर्वक स्वागत करण्यात आले.
या प्रसंगी संजय काडगेवार, सूर्यकांत हनमंते तसेच समर्थ फोटो स्टुडिओचे संचालक सत्यनारायण पांचाळ यांच्यासह अनेक कार्यकर्ते, पत्रकार मित्र आणि मान्यवर मोठ्या संख्येने उपस्थित होते.
या भेटीदरम्यान पत्रकारिता, सामाजिक कार्य, कौटुंबिक विषय तसेच विविध राजकीय घडामोडींवर सविस्तर चर्चा करण्यात आली. समाजहितासाठी पत्रकारितेच्या माध्यमातून अधिक प्रभावीपणे कार्य कसे करता येईल, यावरही विचारमंथन करण्यात आले.
यावेळी दैनिक वीर शिरोमणी आणि दैनिक नंदगिरीचा कानोसा यांच्या संयुक्त विद्यमाने “मूकनायक नॅशनल अवॉर्ड २०२६” हा प्रतिष्ठेचा पुरस्कार गजानन गंगाधरराव बिडकर यांना जाहीर झाल्याबद्दल उपस्थित मान्यवरांनी त्यांचे अभिनंदन करून पुढील कार्यासाठी हार्दिक शुभेच्छा दिल्या.
गजानन बिडकर यांच्या पत्रकारिता, सामाजिक बांधिलकी आणि संघटनात्मक नेतृत्वाबद्दल उपस्थितांनी गौरवोद्गार काढत त्यांच्या कार्याचा विशेष सन्मान केला.