देगलूर प्रतिनिधी, :- चालुक्यकालीन ऐतिहासिक व सांस्कृतिक वारसा लाभलेल्या येरगी (ता. देगलूर) येथे आर.सी.एम.चे संस्थापक टी.सी. छाबडा यांच्या 69 व्या वाढदिवसानिमित्त विविध सामाजिक व विधायक उपक्रमांचे आयोजन करून 16 सप्टेंबर हा ‘सेवा दिवस’ उत्साहपूर्ण वातावरणात साजरा करण्यात आला.
यावेळी ग्रामपंचायत कार्यालय परिसर तसेच जिल्हा परिषद शाळा, येरगी येथे वृक्षारोपण करून पर्यावरण संवर्धनाचे सामाजिक दायित्व पुर्ण करण्यात आले . तसेच विद्यार्थ्यांनी निरोगी व स्वस्थ जीवनशैली अंगीकारावी, यासाठी योग प्रशिक्षणाचे आयोजन करण्यात आले. विद्यार्थ्यांना नियमित योग, व्यायाम व आरोग्यदायी जीवनशैलीचे महत्त्व समजावून सांगण्यात आले. विद्यार्थ्याना वही पेन आदी शैक्षणिक साहित्य देण्यात आले .
कार्यक्रमाच्या अध्यक्षस्थानी आदर्श सरपंच संतोष पाटील येरगीकर होते. चेअरमन वैजनाथ पाटील काळिंगवार यांच्या हस्ते उपक्रमाचे उद्घाटन करण्यात आले. प्रारंभी जगदंबा सरस्वती मातेच्या प्रतिमेचे पूजन करून कार्यक्रमास सुरुवात झाली.
अध्यक्षीय सुचना उपक्रमशील शिक्षिका वैशाली सागावे यांनी केली त्यास सौ. दिपाली कुलकर्णी यांनी अनुमोदन दिले .
प्रास्ताविक आकाश राजुरे यांनी तर सर्व समावेशक सुत्र संचालन डॉ. सुनील जाधव यांनी केले .
यावेळी मुख्याध्यापक नामदेव चव्हाण, ग्रामपंचायत सदस्य सुरेश सोमावार, अशोक चेंडके, अशोक येरपलवार, राजू सोमावार, रवि बागेवार, प्रभाकर काळिंगवार, आर.सी.एम.चे धोंडिबा ढवळे, प्रा. केतनकुमार पाटील, डॉ. सुनील जाधव, संजीव कुमार झरिकर, संदीप चव्हाण, सहशिक्षक आकाश राजुरे, अंकलवार पांडुरंग, सहशिक्षिका वैशाली सागावे, दिपाली कुलकर्णी यांच्यासह ग्रामस्थ, शिक्षक व विद्यार्थी उपस्थित होते.
वाढदिवसाचा आनंद केवळ उत्सवापुरता मर्यादित न ठेवता सामाजिक बांधिलकी जपत पर्यावरण संवर्धन, विद्यार्थी आरोग्य आणि समाजसेवेच्या माध्यमातून साजरा करण्यात आला. वृक्षारोपण व योग प्रशिक्षणासारख्या उपक्रमांमुळे विद्यार्थ्यांमध्ये पर्यावरण व आरोग्याविषयी सकारात्मक संदेश पोहोचला.
समाज हिताच्या विविध उपक्रमाच्या माध्यमातून ‘सेवा हीच खरी मानवता’ हा संदेश देत सामाजिक हिताच्या कार्याला वाढ दिवस , सेवा दिवस निमित्य नवी दिशा देण्याचा प्रयत्न प्रा. केतनकुमार पाटील, धोंडिबा ढवळे, डॉ. सुनील जाधव व वैशाली सागावे यांनी साकारून हरित वसुंधरा करण्याचा मोलाचा सहभाग नोंदवला असे प्रतिपादन सरपंच संतोष पाटील यांनी केले.
शेवटी मुख्याध्यापक नामदेव चव्हाण यांनी आभार प्रदर्शन केले.