मुंबई, दि. ०७ : माहिती व जनसंपर्क महासंचालनालय निर्मित‘दिलखुलास’ कार्यक्रमात ‘कामगार मंत्री डॉ. सुरेश खाडे’ यांची विशेष मुलाखत प्रसारित होणार आहे. ही मुलाखत राज्यातील आकाशवाणीच्या सर्व केंद्रावरून तसेच ‘न्यूज ऑन एआयआर‘ या ॲपवरून बुधवार दि. ७ आणि गुरुवार दि. ८ सप्टेंबर २०२२ रोजी सकाळी ७.२५ ते ७.४० या वेळेत प्रसारित होणार आहे.
ज्येष्ठ पत्रकार प्रफुल्ल साळुंखे यांनी ही मुलाखत घेतली असून मुलाखतीत कामगार मंत्री डॉ.सुरेश खाडे यांनी कामगारांसाठी विभागाच्यावतीने राबविण्यात येत असलेल्या विविध कल्याणकारी योजनांची, कामगारांच्या सुरक्षिततेच्या उपायांची, तसेच बॉयलर इंडिया २०२२ परिषद याबाबत सविस्तर माहिती ‘दिलखुलास’ कार्यक्रमात दिली आहे.