देगलूर प्रतिनिधी,दि.२७:- देगलूर शहरातील सावित्रीबाई फुले विद्यालय येथे छत्रपती शाहू महाराज संशोधन प्रशिक्षण व मानव विकास संस्था पुणे द्वारा आयोजित शाहू महाराज स्मृती शताब्दी वर्षानिमित्त तालुका स्तरावर प्राथमिक व माध्यमिक विद्यार्थ्यांसाठी शाहू महाराज तालुकास्तरीय निबंध स्पर्धा २०२२ अंतर्गत गट साधन केंद्र द्वारा आयोजित तालुकास्तरीय निबंध स्पर्धेचे आयोजन करण्यात आले होते.
यावेळी इयत्ता तिसरी ते पाचवी या वर्गासाठी शाहू महाराजाची एक आठवण, शाहू महाराजांच्या जीवनातील आवडता प्रसंग तसेच इयत्ता सहावी ते आठवी या वर्गासाठी शिक्षणाशिवाय तरणोपाय नाही-शाहू महाराज, औद्योगिक व कृषी क्रांती-शाह महाराज या विषयावर ही निबंध स्पर्धा आयोजित करण्यात आली होती. यावेळी तालुक्यातील ३४ शाळांनी सहभाग नोंदविला होता.
सदरील परीक्षेसाठी एकूण ३४ विद्यार्थी उपस्थित होते. यावेळी गटशिक्षणाधिकारी राजकुमार जाधवर, पेठामरापूरचे केंद्रप्रमुख आर. पी. किशवे, विषयतज्ञ ओ. जी. सुवर्णकार एम. व्ही. साबणे, एन. के. वाघमारे, के. आर. जाधव, डी. एम. नाईक, पडलवार, पी. ए. फरकुंडे, मुख्याध्यापक संघाचे यशवंतराव गजमारे, किशन पाटील आदींच्या उपस्थितीत परिक्षा पार पडली.
