देगलूर प्रतिनिधी, दि.०८:- शिवसेनेचे कार्याध्यक्ष श्री उद्धव बाळासाहेब ठाकरे यांच्या मार्गदर्शनाखाली युवा सेनेचे नेते आदित्य ठाकरे यांच्या आदेशाने नांदेड जिल्ह्यातील संपूर्ण कार्यकारणी मागील काही दिवसाखाली बरखास्त करण्यात आली होती.
त्यानंतर जिल्ह्यातील युवा कार्यकर्त्यांचा उत्साह व जोश वाढवण्यासाठी नांदेड जिल्ह्यातील युवा सेना कार्यकर्त्याची नवीन नियुक्ती काही दिवसापूर्वी करण्यात आल्या ,त्यात देगलूर येथील सुधाकर नागोराव उल्लेवार हे युवा व धडाडीचे कार्यकर्ते त्यांच्या कार्याची दखल घेत युवा सेनेच्या जिल्हा उपाध्यक्षपदी त्यांची निवड करण्यात आली आहे.
त्यांच्या या निवडीबद्दल सर्व युवासेना कार्यकर्ते व मित्रमंडळींनी त्यांच्यावर शुभेच्छा वर्षाव करीत त्यांना पुढील वाटचालीसाठी शुभेच्छा दिल्या आहेत.
त्यांच्या या निवडीबद्दल त्यांना विचारले असता मला दिलेल्या कार्याची जबाबदारी मी आनंदाने स्वीकारून व निस्वार्थपणे व निष्ठेने पक्षाचे दिलेले काम करीत राहील असे सांगितले.
