मशिनमध्ये सेटिंग करून कमी पेट्रोल देऊन ग्राहकांची आर्थिक लूट करीत असल्याची शंका
देगलूर (प्रतिनिधी),दि.१४:- शहरातील पेट्रोल पंपावर ग्राहकांची गैरसोय व सर्रास आर्थिक लूट करण्यात येत असून कसल्याही सुविधा न देता मनमानी कारभार चालविनाऱ्या पेट्रोल पंपावर कार्यवाही करावी असे मागणीचे उपजिल्हाधिकारी देगलूर यांना पीपल्स रिपब्लिकन पार्टीचे तालुकाध्यक्ष सतिश पांडवे यांनी निवेदन दिले आहे.
देगलूर शहर व परिसरातील पेट्रोल पंपावर ग्राहकांना वाहनांची हवा चेक करणे व भरणे, पिण्यासाठी शुद्ध पाणी, प्रथमोपचार किट बॉक्स, शौचालय ह्या सुविधा देणे अनिवार्य असताना देखील येथील पेट्रोल पंपावर ग्राहकांना उन्हात पाऊसात पेट्रोल भरण्यासाठी रांगा लावाव्या लागतात मात्र कसल्याच सुविधा पंपावर नसल्यामुळे ग्राहकांना गैरसोयीचा मोठा सामना करावा
लागतोय अगोदरच महागाईने पेट्रोल व डिझेलचे दर गगनाला भिडलेले असताना ग्राहकांनी दिलेल्या पैश्यापेक्षा येथे कमी पेट्रोल देऊन मापात पाप केले जाते असुन पेट्रोल पंपावर ग्राहकांची फसवणूक करून दिलेल्या पैश्याचे पेट्रोल न देता मशिनमध्ये सेटिंग करून कमी पेट्रोल देऊन ग्राहकांची आर्थिक लूट करण्यात येत आहे हा सर्व प्रकार भेसळखोर पेट्रोल पंपधारक जाणूनबुजून करित आहेत. देगलूर येथील पेट्रोल पंपधारकांनी मनमानी कारभार
चालवला असून पेट्रोल उपलब्ध असताना देखील पेट्रोल नाही असे फलक लाऊन रोजदांरीने माणसे लाऊन रस्त्यावर वाहनचालकांना पेट्रोल १३० रूपये दराने बॉटल सर्रासपणे विक्री करण्यात येत आहे सदर प्रकरणी प्रशासनाने तात्काळ दखल घेऊन ग्राहकांची होणारी फसवणूक करून आर्थिक लूट थांबवावी ग्राहकांना अनिवार्य सुविधा न पुरवणाऱ्या पेट्रोल पंपावर कार्यवाही
करावी अशी मागणी उपजिल्हाधिकारी यांच्या मार्फत पेट्रोलियम मंत्री हरदीप पुरी यांना निवेदनाद्वारे देगलूर तालुका पीपल्स रिपब्लिकन पार्टीच्या वतीने तालुकाध्यक्ष सतिश पांडवे, किरण कांबळे, धम्मरत्न सोनाळकर, गौतम वनंजे, यादव वाघमारे यांनी केले आहे.
