देगलूर प्रतिनिधी,दि.२८:- अडत व्यापारी शिक्षण संस्थेचे माजी सचिव कै. शशिकांत नारायणराव चिद्रावार यांच्या प्रथम पुण्यस्मरण दिनानिमित्त दिनांक ३० जुलै २०२५ रोजी देगलूर महाविद्यालयामध्ये प्रतिमापूजन, अभिवादन, रक्तदान शिबिर आणि वृक्षारोपण कार्यक्रमाचे आयोजन करण्यात आलेले आहे.
या बाबत सविस्तर वृत्त असे आहे की,अडत व्यापारी शिक्षण संस्था आणि देगलूर महाविद्यालयाच्या सर्वांगीण विकासामध्ये महत्त्वपूर्ण योगदान दिलेल्या शांत, संयमी, नम्र, शिस्तप्रिय व मितभाषी असे आदर्श व्यक्तिमत्व म्हणून सर्वाना परिचित असलेल्या तसेच देगलूर शहरातील सामाजिक, आध्यात्मिक, व्यावसायिक, शैक्षणिक, वैचारिक, आरोग्यविषयक व औद्योगिक विकासात विशेष योगदान असलेले बहुआयामी व्यक्तिमत्व शशिकांत चिद्रावार यांचे होते.
देगलूर महाविद्यालयाचे नाव मोठे करण्यासाठी सतत प्रेरणा देनारे व्यक्तिमत्त्व असलेल्या कै. शशिकांत नारायणराव चिद्रावार यांच्या स्मृतीप्रीत्यर्थ विविध कार्यक्रम आयोजित करण्यात आले आहेत.
अभिवादन व प्रतिमापूजन कार्यक्रम ठीक १०.३० वाजता देगलूर महाविद्यालयाच्या सांस्कृतिक सभागृहात आयोजित करण्यात आला आहे. त्यानंतर छात्र सेनेच्यावतीने रक्तदान शिबिर आणि राष्ट्रीय सेवा योजनेच्यावतीने वृक्षारोपण कार्यक्रमाचे आयोजन करण्यात आलेले आहे.
प्रस्तुत रक्तदान शिबिरात जास्तीत जास्त विद्यार्थी व सुजान नागरिकांनी सहभागी होऊन राष्ट्रीय कार्यात योगदान द्यावे असे आवाहन अडत व्यापारी शिक्षण संस्था, देगलूर महाविद्यालय आणि चिद्रावार परिवार यांच्यावतीने करण्यात आले आहे.
