परभणी दि.२४ ऑगस्ट : गुरु रविदास चॅरिटेबल ट्रस्ट परभणी व आदित्य सेवाभावी संस्था यांच्या संयुक्त विद्यमाने देगलूर येथील बालाजी यादवराव कांबळे यांना राज्यस्तरीय समाज भूषण पुरस्कार जाहीर झाला आहे.
हा सन्मान परभणी येथे दि. २४ ऑगस्ट २०२५ रोजी आयोजित कार्यक्रमात प्रदान करण्यात येणार आहे.
कांबळे हे गेल्या अनेक वर्षांपासून समाजसेवेत कार्यरत असून अपंग, दिव्यांग व्यक्तींसाठी नि:स्वार्थपणे सेवा बजावत आहेत. विशेषतः अपंग अंध मूकबधिर विद्यालयातील विद्यार्थ्यांना चप्पल, शूज, बॅगची चैन, स्वेटर चैन मोफत दुरुस्ती करून देण्याचे उपक्रम त्यांनी हाती घेतले आहेत.
त्यांच्या या सेवाभावी कार्याची दखल घेत राज्यस्तरीय समाज भूषण पुरस्काराने गौरव करण्यात येत आहे.
देगलूर शहरातील जुना बसस्टँड समोर आपला व्यवसाय करणारे बालाजी यादवराव कांबळे यांना हा पुरस्कार मिळाल्याबद्दल नागरिकांकडून अभिनंदनाचा वर्षाव होत आहे.