देगलूरमध्ये दहीहंडी महोत्सव रद्द – पूरग्रस्तांसाठी निधी मदत
देगलूर, दि.२६ ऑगस्ट :
देगलूर येथील द्वारकाधीश दहीहंडी महोत्सव यावर्षी रद्द करून त्यासाठी जमा करण्यात आलेला निधी थेट पूरग्रस्तांना मदत म्हणून हस्तांतरित करण्यात आला. आयोजक मंडळाचे म्हणणे आहे की, “पूरग्रस्त कुटुंबावर दुःखाचा डोंगर ओढवला असताना” आम्ही उत्सव कसा साजरा करायचा? त्याऐवजी पूरग्रस्त बांधवांना मदत करणे हेच आमचे खरे कर्तव्य आहे.”या सामाजिक जाणीवेतून घेतलेल्या निर्णयाचे सर्वत्र कौतुक होत आहे.
या उपक्रमामध्ये खासदार प्रताप पाटील चिखलीकर यांनी सहभाग नोंदवून दहीहंडीचे आयोजक व पदाधिकारी यांचे अभिनंदन केले.
मंडळाचे प्रमुख,संतोष नारलावार, अनिकेत पाटील राजूरकर, दिगंबर कौरवाल, पंकज देशमुख, करडखेडकर तसेच सर्व पदाधिकारी व सदस्य यांचा सामाजिक बांधिलकीसाठी सत्कार करण्यात आला.
नागरिकांनी दहीहंडी रद्द करून पूरग्रस्तांच्या मदतीसाठी पुढाकार घेणाऱ्या या मंडळाच्या निर्णयाचे “तोंडभरून कौतुक” केले असून हा निर्णय समाजासाठी आदर्शवत ठरला आहे.
साप्ताहिक “महिमा खादीचा”संपूर्ण परिवारा च्या वतीने त्यांच्या या निर्णयाचे स्वागत व नेहमी अशीच सामाजिक बांधिलकी जपावी यासाठी खूप खूप शुभेच्छा.