नांदेड दि.०८:- भारताच्या स्वातंत्र्यलढ्यात १८ व्या शतकात इंग्रजांविरुद्ध शूरपणे लढणारे आद्य क्रांतीवीर नरवीर राजे उमाजी नाईक यांच्या २३४ व्या जयंतीनिमित्त महाराष्ट्र राज्य मार्ग परिवहन महामंडळ (एसटी डेपो) नांदेड आगारात अभिवादन कार्यक्रमाचे आयोजन करण्यात आले.
कार्यक्रमाचे उद्घाटन सहाय्यक कार्यशाळा अधिक्षक विष्णू हारकळ यांच्या हस्ते उमाजी नाईक यांच्या प्रतिमेचे पूजन करून करण्यात आले. प्रमुख वक्ते म्हणून उपस्थित सामाजिक कार्यकर्ते तथा महाराष्ट्र शासन पुरस्कारप्राप्त गुणवंत एच. मिसलवाड यांनी उमाजी नाईकांनी छत्रपती शिवाजी महाराजांच्या विचारांनी प्रेरित होऊन इंग्रजांविरुद्ध दिलेला लढा, त्याग व कार्य यावर प्रकाश टाकला.
या प्रसंगी विष्णू हारकळ, योगेश्वर जगताप, सुनिल मोरे, आनंदा कंधारे, कैलास वाघमारे, संजय खेडकर, सुरेश फुलारी, सौ. श्वेता तेलेवार यांच्यासह अनेक मान्यवर व कर्मचारी मोठ्या संख्येने उपस्थित होते.