नायगाव तालुका पद्मशाली समाज संघटनेतर्फे दिवंगत रामप्रसाद चन्नावार यांना श्रद्धांजली
नायगाव (प्रतिनिधी) : दैनिक श्रमिक एकजूटचे पत्रकार व नायगाव तालुका पद्मशाली समाज संघटनेचे सदस्य कै. रामप्रसाद चन्नावार यांना नायगाव तालुका पद्मशाली समाज संघटनेच्या वतीने मार्कंडेय मंदिर, नायगाव येथे शोकसभेत श्रद्धांजली अर्पण करण्यात आली.
या शोकसभेचे अध्यक्षस्थान समाजातील ज्येष्ठ नागरिक व संघटनेचे स्वीकृत सदस्य शंकरराव गोंटलावार यांनी भूषविले. मंदिर पुजारी विरभद्रेश्वर महाराज मठपती यांच्या उपस्थितीत झालेल्या या कार्यक्रमास सर्व पद्मशाली समाज बांधव उपस्थित होते. समाजाच्या विविध स्तरांतील प्रतिनिधींनी दिवंगत चन्नावार यांचे कार्य स्मरून त्यांना आदरांजली वाहिली.