महिला दिनानिमित्त कर्तृत्ववान महिलांचा सन्मान; आदिशक्ती मैत्रिणी मंडळ देगलूरचा प्रेरणादायी उपक्रम
देगलूर (प्रतिनिधी),दि.१०:- प्रत्येक नारीच्या कर्तृत्वाला, नेतृत्वाला, सहनशीलतेला, त्यागाला आणि प्रेमाला सलाम करत आदिशक्ती मैत्रिणी मंडळ, देगलूर यांच्या वतीने महिला दिनानिमित्त कर्तृत्ववान महिलांचा सन्मान करण्याचा स्तुत्य उपक्रम हाती घेण्यात आला आहे.
गेल्या तीन वर्षांपासून मंडळाच्या वतीने सातत्याने महिलांचा गौरव केला जात असून, यावर्षी विशेषतः एकल पालक (सिंगल मदर), विधवा किंवा घटस्फोटित महिला, ज्यांनी प्रतिकूल परिस्थितीतही आपल्या पाल्यांना यशस्वी घडवून समाजात आदर्श निर्माण केला आहे, अशा जिद्दी महिलांचा सन्मान करण्यात येणार आहे.
समाजातील अशा प्रेरणादायी महिलांची माहिती दि. २८ फेब्रुवारी २०२६ पूर्वी मंडळाकडे पाठविण्याचे आवाहन आयोजकांनी केले आहे. प्राप्त माहितीनुसार निवड झालेल्या महिलांचा सन्मान महिला दिनाच्या विशेष कार्यक्रमात करण्यात येणार आहे.
महिलांच्या संघर्ष, कष्ट आणि कर्तृत्वाला सलाम करणारा हा उपक्रम समाजासाठी प्रेरणादायी ठरत असून नागरिकांनी मोठ्या संख्येने सहभाग नोंदवावा, असे आवाहन करण्यात आले आहे.
संपर्क:
भार्गवी (स्वाती) दीक्षित – 9881941678
दिगंबर कौरवार – 9403262626
आयोजक: आदिशक्ती मैत्रिणी मंडळ, देगलूर