घुंगराळा प्रतिनिधी : बहुजन समाज पार्टीचे मराठवाडा झोन प्रभारी मनीषभाऊ कावळे यांचा नांदेड जिल्ह्यातील नायगाव तालुक्यातील घुंगराळा येथे अखिल भारतीय गुरु रविदास समता परिषदेच्या वतीने सत्कार करण्यात आला.
धर्माबाद येथे जात असताना मनिषभाऊ कावळे यांनी घुंगराळा येथे धावती भेट दिली, त्यावेळी अखिल भारतीय गुरु रविदास समता परिषदेचे विभागीय युवा प्रवक्ता चंद्रसेन गंगासागरे व सहकाऱ्यांनी जय रविदास फूट वेअर येथे त्यांचा शाल व पुष्पहार देऊन भावपूर्ण सत्कार केला.
बहुजन समाज पक्षाचे राज्य कार्यकारिणी सदस्य इंजि. चंद्रप्रकाश देगलूरकर तसेच जिल्हा महासचिव सुधाकर सरोदे, नांदेड महानगर अध्यक्ष अनिकेत आळंदीकर यांचाही यावेळी सत्कार करण्यात आला.