कासार शिरसी प्रतिनिधी :- कासार शिरसीसह या परिसरात जनावरात तिव्वा म्हणजे थ्री डे विकनेस या आजाराचा प्रादुर्भाव दिसून येत आहे या आजारामुळे कासार शिरसीस सह हत्तरगा व ममदापूर या गावात काही दुभत्या जनावरांचा मृत्यू झाल्याची घटना घडल्याने सध्या पशुपालकात चिंतेचे वातावरण दिसून येत आहे.
सध्या कासार शिरशी सह या भागात उष्णतेचे प्रमाण वाढले आहे त्यामुळेच जनावरात तिव्वा आजाराचा प्रादुर्भाव होणे स्वाभाविकच आहे शिवाय मोकाट कुत्रे जर जनावरांना चावले तर या आजारात जनावरांचा मृत्यू होऊ शकतो असे मत येथील पशुवैद्यकीय अधिकारी डॉक्टर निवृत्ती बेंबडे यांनी व्यक्त केले ते म्हणाले की शक्यतो पशुपालकांनी आपली जनावरे उन्हात चरायला सोडू नये
शक्यतो त्यांना सावलीत बांधावे व स्वच्छ आणि भरपूर प्रमाणात थंड पाणी पाजावे त्यांच्या वैरणीचे नियोजन करावे सध्या या दवाखान्यात जनावरांच्या लाळ्या खुरकुतासाठी लसीकरण मोहीम राबवण्यात येत आहे याचा लाभ सर्वांनी घ्यावा व अफवेवर विश्वास न ठेवण्याचे त्यांनी आवाहन केले.