देगलूर महाविद्यालयात शिक्षकांचा गुणगौरव सोहळा संपन्न.
देगलूर प्रतिनिधी: महाराष्ट्र राज्य शैक्षणिक संशोधन प्रशिक्षण परिषद पुणे यांच्या मार्फत गुणवत्ता मूल्यांकन व आश्वासन आराखडा अंतर्गत देगलूर महाविद्यालयास अ+ श्रेणी प्राप्त झाली आहे .
या प्राप्त श्रेणीसाठी देगलूर महाविद्यालयातील शिक्षकांनी उत्कृष्ट कार्य केल्याबद्दल अडत व्यापारी शिक्षण संस्थेच्या वतीने शिक्षकांचा गुणगौरव कार्यक्रम घेण्यात आला.या शिक्षक गुणगौरव कार्यक्रमाच्या अध्यक्षस्थानी अडत व्यापारी शिक्षण संस्थेचे अध्यक्ष प्रकाश पाटील बेंबरेकरहोते.
यावेळी व्यासपीठावर प्रमुख पाहुणे संस्थेचे सचिव डॉ.कर्मवीर उनग्रतवार उपाध्यक्ष जनार्दन चिद्रावार;सहसचिव राजकुमार महाजन कार्यकारणी सदस्य सूर्यकांत नारलावार रवींद्र आप्पा द्याडे, चंद्रकांत नारलावार विजयकुमार उनग्रतवार यांची उपस्थिती होती.
प्रारंभी प्रा. सोमनाथ पवार, प्रकाश सोनकांबळे यांनी ध्येय सेवा गीत गायन केले. प्रास्ताविकात उपप्राचार्य डॉ.शेरीकर व्हि.जी. यांनी गुणवत्ता मूल्यांकन व आश्वासन आराखडा अंतर्गत महाविद्यालयात सर्व क्षेत्राचे कार्य कसे पूर्ण केले यावर प्रकाश टाकत सर्व क्षेत्राची माहीती दिली.
तर उपप्राचार्य डॉ. एम.एम. चमकुडे यांनी सर्व संयोजकांनी केलेल्या कार्याबद्दलची माहिती देऊन अभिनंदन केले.मनोगतात महाविद्यालयाचे प्राचार्य डॉ. मोहन खताळ यांनी आपल्या महाविद्यालयाचे काम नॅक अंतर्गत पूर्ण झालेले असल्याने या मूल्यांकनासाठी कुठलीही कमतरता भासली नाही.
आपल्या महाविद्यालयाने जिल्ह्यात अव्वल स्थान कमाविले आहे असे सांगत पुढे ही यावर काम केले पाहिजे.असे मत व्यक्त केले. अध्यक्षीय समारोपात संस्थेचे सचिव डॉ.कर्मवीर उनग्रतवार यांनी प्रत्येक शिक्षकांनी मेहनत घेतली आहे या कामी उत्कृष्ट कार्य करण्याचा जो ध्येय आपण ठेवला याचे यश आपल्याला नक्की मिळालेले आहे असे प्रतिपादन करून त्यांनी सर्व शिक्षकांचे अभिनंदन केले.
यावेळी संयोजक प्रा.लागले टी.एन, प्रा.तोटावार के.व्ही., प्रा.संतोष वानोळे प्रा.ई.के. पाटील; प्रा.महेश कुलकर्णी, प्रा.नरेंद्र मुक्तावार या सहा संयोजकांचा, व सर्व समिती सदस्यांचा,पर्यवेक्षक एस.एन. पाटील, उपप्राचार्य प्रा.डाॅ.शेरीकर व्ही.जी.,उपप्राचार्य डाॅ.चमकुडे एम.एम.यांचा सत्कार करण्यात आला याच वेळी ग्रामीण भागातील उत्कृष्ट प्राचार्य म्हणून सन्मानित झालेले डॉ.मोहन खताळ तसेच करिअर कट्टाचे प्रा.डॉ.माधव चोले प्रा.डॉ.काशिंदे सुरेश व सर्व करिअर कट्टा संसद विद्यार्थ्यांचा यावेळी सत्कार करण्यात आला.
या कार्यक्रमास प्राचार्य डॉ. मोहन खताळ उपप्राचार्य डॉ.अनिल चिद्रावार ,अधीक्षक गोविंद जोशी शिक्षक ,शिक्षकेत्तर कर्मचारी विद्यार्थी उपस्थित होते. या कार्यक्रमाचे सूत्रसंचालन प्रा.गुरूडे एस.बी.तर आभार पर्यवेक्षक प्रा. एस. एन.पाटील यांनी मानले.