देगलूर उपजिल्हा रुग्णालयाच्या रुग्ण कल्याण समितीवर धनाजी जोशी यांची नियुक्ती.
देगलूर प्रतिनिधी : महाराष्ट्र शासनाच्या राष्ट्रीय आरोग्य अभियानांतर्गत देगलूर उपजिल्हा रुग्णालयाच्या रुग्ण कल्याण समितीवर सामाजिक कार्यकर्ते श्री. धनाजी मनोहर जोशी यांची अशासकीय सदस्य म्हणून नियुक्ती करण्यात आली आहे. जिल्हा शल्य चिकित्सक कार्यालय, नांदेड यांच्या आदेशानुसार ही नियुक्ती करण्यात आली.
राज्यसभा खासदार डॉ. अजित माधवराव गोपछडे यांच्या शिफारसीनुसार ही नियुक्ती करण्यात आल्याचे पत्रात नमूद करण्यात आले आहे. धनाजी जोशी हे सामाजिक क्षेत्रात सक्रिय असून आरोग्य व प्रशासकीय कामाचा त्यांना अनुभव असल्याने रुग्णालयाचे कामकाज अधिक लोकाभिमुख व प्रभावी करण्यासाठी त्यांच्या नियुक्तीचा फायदा होणार असल्याचे सांगण्यात आले.
जिल्हा शल्य चिकित्सक डॉ. एस. एम. पेरके यांनी संबंधित आदेश जारी केले असून रुग्ण कल्याण समितीच्या मार्गदर्शक तत्त्वांनुसार पुढील कार्यवाही करण्याच्या सूचना देण्यात आल्या आहेत.