ऋग्वेदी ब्राह्मण मंडळाचा अधिक मासानिमित्त अन्नदान कार्यक्रम उत्साहात संपन्न.
हैदराबाद प्रतिनिधी :- देशस्थ ऋग्वेदी ब्राह्मण मंडळ, हैदराबाद यांच्या वतीने नुकतेच अधिक मासानिमित्त अन्नदान कार्यक्रमाचे आयोजन करण्यात आले. हा कार्यक्रम गणेश टॉवर्स, उत्तरादीमठ जवळ, लिंगमपल्ली, काचीगुडा येथे दि.३१ रोजी दुपारी १२.३० ते २.३० या वेळेत उत्साहात पार पडला.
या कार्यक्रमाच्या यशस्वी आयोजनासाठी मंडळाचे सल्लागार श्री. गोविंद जहागीरदार तसेच पदाधिकारी श्री. मदन क्षीरसागर, श्री. प्रदीप मंगळूरकर, श्री. सर्वोत्तम जोशी, श्री. लक्ष्मीकांत कुलकर्णी आणि इतर सदस्यांनी विशेष परिश्रम घेतले.
अधिक मासाच्या धार्मिक व आध्यात्मिक महत्त्वाच्या पार्श्वभूमीवर आयोजित करण्यात आलेल्या या अन्नदान कार्यक्रमास समाजबांधवांचा उत्स्फूर्त प्रतिसाद लाभला. कार्यक्रमात सुमारे २०० ते २५० सदस्यांनी उपस्थित राहून महाप्रसादाचा लाभ घेतला.
सामाजिक बांधिलकी जपत समाजसेवेचा संदेश देणारा हा उपक्रम यशस्वीरीत्या पार पडल्याबद्दल उपस्थितांनी मंडळाच्या कार्याचे कौतुक केले.