మోడల్ స్కూల్లో సివిక్స్, ఇంగ్లీష్ టీచర్లకు అవకాశం.
బాన్సువాడ ప్రతినిధి విశ్వంభర్ కులకర్ణి : కామారెడ్డి జిల్లా బాన్సువాడ మండలం కొత్తబాద్లోని తెలంగాణ మోడల్ స్కూల్లో ఖాళీగా ఉన్న ఉపాధ్యాయ పోస్టులను తాత్కాలిక ప్రాతిపదికన భర్తీ చేయనున్నట్లు పాఠశాల ప్రిన్సిపల్ కమల్ కిశోర్ పవర్ తెలిపారు. 2026-27 విద్యా సంవత్సరానికి గంటల ప్రాతిపదికన పోస్ట్ గ్రాడ్యుయేట్ టీచర్స్ (పీజీటీ) నియామకానికి అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు పేర్కొన్నారు.
ఖాళీల వివరాలు ఇలా ఉన్నాయి. పీజీటీ సివిక్స్ – 1 పోస్టు, పీజీటీ ఇంగ్లీష్ – 1 పోస్టు. ఎంపికైన అభ్యర్థులకు ప్రతి పీరియడ్కు రూ.182 చెల్లించబడుతుందని, నెలకు గరిష్టంగా 100 పీరియడ్ల వరకు పనిభారం ఉంటుందని తెలిపారు.
అభ్యర్థులు గుర్తింపు పొందిన విశ్వవిద్యాలయం నుంచి సంబంధిత సబ్జెక్టులో కనీసం 50 శాతం మార్కులతో మాస్టర్స్ డిగ్రీతో పాటు సంబంధిత సబ్జెక్టులో బీఈడ్ అర్హత కలిగి ఉండాలని సూచించారు.
దరఖాస్తుల సమర్పణకు చివరి తేదీ జూన్ 19, 2026 కాగా, ఇంటర్వ్యూలు జూన్ 20న ఉదయం 10 గంటలకు నిర్వహించనున్నట్లు వెల్లడించారు. అకడమిక్ మెరిట్, ఒరిజినల్ సర్టిఫికెట్ల పరిశీలన, ఇంటర్వ్యూ మరియు డెమో ఆధారంగా అభ్యర్థుల ఎంపిక చేపట్టనున్నట్లు తెలిపారు.
ఆసక్తి, అర్హత కలిగిన అభ్యర్థులు తమ విద్యార్హత సర్టిఫికెట్ల స్వీయ ధృవీకరించిన ప్రతులు, బీఈడ్ సర్టిఫికెట్, అనుభవ ధృవీకరణ పత్రాలు (ఉంటే) మరియు ఇతర సంబంధిత పత్రాలతో కలిసి తమ దరఖాస్తులను ప్రిన్సిపల్, తెలంగాణ మోడల్ స్కూల్, కొత్తబాద్కు జూన్ 19లోపు సమర్పించాలని కోరారు. మరిన్ని వివరాలకు 9493928450 నంబర్ను సంప్రదించాలని ప్రిన్సిపల్ సూచించారు.