कायापालटमध्ये रेनकोट वाटप करून खा.चिखलीकरांचा वाढदिवस साजरा
अठराव्या महिन्यात ३६ भ्रमिस्टांचा केला कायापालट
नांदेड प्रतिनिधी, दि.०१ नांदेडचे लोकप्रिय खासदार प्रतापराव पाटील चिखलीकर यांच्या वाढदिवसानिमित्त धर्मभूषण ॲड. दिलीप ठाकूर यांच्यातर्फे रस्त्यावर फिरणाऱ्या ३६ भ्रमिष्टांची कटिंग दाढी करून स्नान केल्यानंतर त्यांना रेनकोट व नवीन कपडे वाटप करण्यात आले. १८ महिन्यापासून हा उपक्रम सुरू आहे.
भाजपा महानगर नांदेड व लायन्स क्लब नांदेड सेंट्रल, अमरनाथ यात्री संघ च्या वतीने
धर्मभूषण ॲड. दिलीप ठाकूर हे राबवित असलेल्या कायापालट उपक्रम दर महिन्याच्या पहिल्या सोमवारी राबविण्यात येतो.भणंग अवस्थेत फिरणा-यांची कटिंग दाढी केल्यानंतर स्वच्छ पाण्याने स्नान घालून नवीन कपडे व प्रत्येकी शंभर रुपयाची बक्षिसी देण्यात येते. लायन्स विभाग अध्यक्ष संजय अग्रवाल, लायन्स क्लब नांदेड अन्नपूर्णा चे अध्यक्ष अरुणकुमार काबरा, सुरेश शर्मा, मंगेश पोफळे , सुरेश निल्लावार,संजयकुमार गायकवाड यांनी शहरातून फिरुन वेगवेगळ्या ठिकाणाहून भ्रमिष्ठांना दुचाकी वर बालाजी मंदिर परिसरात आणण्यात आले. स्वंयसेवक बजरंग वाघमारे यांनी सर्वांची कटिंग दाढी केली. स्नानासाठी स्वच्छ व मुबलक पाण्याची व्यवस्था बालाजी मंदिरचे महंत कैलास महाराज वैष्णव यांच्यातर्फे करण्यात आली होती. कित्येक महिने अंघोळ न केलेल्या या भ्रमिष्टांना साबण लावून स्नान घालण्यात आले.स्वच्छ होऊन नवीन कपडे घातल्यामुळे त्यांच्या दिसण्यात अमुलाग्र बदल झाला होता.
पावसाळा असल्यामुळे या वेळी रेनकोट देखिल वाटण्यात आले.अनेकांनी आयुष्यात पहिल्यांदाच रेनकोट घातल्यामुळे त्यांच्या चेह-यावर आनंद ओसडून वाहत होता. सर्वांच्या चहा फराळाची व्यवस्था करण्यात आली.चार तास सुरु असलेल्या कार्यक्रमानंतर बालाजी मंदिरचा परिसर झाडून स्वच्छ करण्यात आला. या उपक्रमाला लायन्स नेत्र रुग्णालयाचे अध्यक्ष ज्ञानेश्वर महाजन यांनी सदिच्छा भेट दिली . असहाय्य असणारे कचरा वेचणारे, वेडे ,भिकारी, अपंग व्यक्ती आढळल्यास नांदेड शहरातील नागरिकांनी याची सप्टेंबर महिन्याच्या पहिल्या रविवारी भाजप अथवा लायन्स सदस्यास माहिती द्यावी असे आवाहन संयोजक ॲड दिलीप ठाकूर यांनी केले आहे.
