मुखेड प्रतिनिधी,दि.२०:- सलगरा फाटा ते बेटमोगरा रस्त्यावर दत्त मंदीर जवळ दुचाकी व बोअरवेल गाडीचा भीषण अपघात या अपघातात दुचाकीवरस्वार युवक जागीच ठार.
सलगरा फाटा ते बेटमोगरा रस्त्यावर दत्त मंदीर जवळ दुचाकी क्रमांक एम.एच.१२ के.डब्लू.६२६६ व आंध्र प्रदेश पासींग असलेल्या बोअरवेल गाडीचा भीषण अपघात झाला असून हा अपघात दुचाकीस्वार युवक सलगरा फाट्याकडून आपल्या गावाकडे जात असताना बेटमोगरा कडून सलगरा फाटा कडे जात असलेल्या बोअरवेल गाडीचा व दुचाकीचा समोरा समोर अपघात झाल्याने या अपघातात दुचाकीस्वार बाबू किशन गायकवाड वय अंदाजे १७ वर्ष, रा.धामणगाव येथील नवतरुण युवकाचा जागीच मृत्यू झाला.
घटनास्थळी नागरीक धाव घेताच बोअरवेल गाडी चालक गाडी घेवून पळ काढत सलगरा फाटा कडे पळून गेल्याची माहिती नागरिकांकडून मिळाली. मात्र त्या बोअरवेल गाडी समवेत दुसरी बोअरवेल चे पाईप असणाऱ्या गाडी क्रमांक ए.पी.२९ बी.पी.३९८७ या गाडीस गावकऱ्यांनी अडवून घटनास्थळी थांबवून ठेवले असल्याची माहिती मिळाली आहे.
सदर घटना दि.१८ नोव्हेंबर रोजी सायंकाळी सात वाजताच्या सुमारास सलगरा फाटा ते बेटमोगरा रस्त्यावर दत्त मंदीर परिसरात घडली. गावकऱ्यांनी संबंधित घटनेबद्दल घटनेचा पंचनामा करण्यासाठी पोलीस ठाणे मुखेड यांना माहिती कळवीली असल्याचे वृत समजते. सदर घटनेमुळे धामणगाव सह परिसरात शोककळा पसरली असून घडलेल्या घटनेमुळे सर्वच स्तरातून हळहळ व्यक्त केल्या जात आहे.
