नांदेड प्रतिनिधी, दि.२४:- नांदेड जिल्हा भावसार समाज कार्यकारिणी तर्फे आयोजित १५ वा उपवधु वर परिचय मेळाव्या निमित्ताने भावसार समाजातील विवाहयोग्य उपवधू व उपवर यांची संपूर्ण माहिती असलेल्या स्मरणिकेत संबंधितांचे नाव समावेश व्हावे म्हणून हस्तलिखित फॉर्म व ऑनलाईन पद्धतीने फॉर्म भरण्याची सुविधा उपलब्ध करून देण्यात आलेली असून ऑनलाइन फॉर्म भरण्याची शेवटची तारीख १० डिसेंबर २०२२ ठेवण्यात आलेली आहे .
या संधीचा समाज बांधवांनी लाभ करून घ्यावा असे आवाहन उप वधू वर परिचय मेळावा समितीतर्फे करण्यात आले आहे . सदर समितीची बैठक विठ्ठल मंदिर, भाऊसाहेब रंगारी गल्ली, नांदेड येथे संपन झाली. बैठकीत विविध समितीच्या कार्याच्या प्रगतीचा आढावा घेण्यात आला. वधु वर परिचय मेळाव्यात येणाऱ्या उपवधू- उपवरांची संख्या वाढावी तसेच त्यांना सर्व सोयी उपलब्ध व्हाव्यात याबद्दल चर्चा करण्यात आली .
याबाबतीत नियोजन करण्याचे कार्य १५ विविध समित्या स्थापन करून त्यांच्याकडे सोपवण्यात आले . ज्यात मुद्रण समिती, समन्वय समिती, भोजन समिती अशा विविध समित्यांचा समावेश असून व त्याबाबत करावयाचे कार्य संबंधित समिती प्रमुख व त्यांच्या अधिनस्त असलेल्या कार्यकर्त्यांकडे सोपवण्यात आले. याप्रसंगी नांदेड जिल्हा भावसार समाजाचे अध्यक्ष गंगाधर बडवणे यांनी या परिचय मेळाव्यास १००० च्यावर उपवधू उपवर प्रत्यक्ष आपला परिचय करुन देण्यासाठी उपस्थित राहण्याची शक्यता असल्याचा विश्वास व्यक्त केला.
तर सचिव सुरेश गोजे यांनी महाराष्ट्र व्यतिरिक्त आंध्रप्रदेश, उत्तरप्रदेश, मध्यप्रदेश, गुजरात या भागातूनही वधू-वरांची परिचय पत्र येत असल्याची माहिती याप्रसंगी दिली. सदर मेळाव्याचे वैशिष्ट्य म्हणजे यावर्षी उपवधू-वरांची माहितीरूपी असलेली स्मरणिका परिचय मेळाव्याच्या दिवशीच गरजूवंतांना उपलब्ध करून देण्यात येणार आहे .
या बैठकीच्या निमित्ताने कै.शैलजा नृसिंहराव दांडगे यांना भावपूर्ण श्रद्धांजली अर्पित करण्यात आली .शेवटी पसायदानाने बैठकीची सांगता करण्यात आली करण्यात आली. बैठकीसाठी मुरलीधर गोजे, माणिकराव देवतराज, विनोद सूत्रावे, सोमनाथ भागानगरे, गिरीष बुलबुले, राजेश सूत्रावे, श्रीनिवास बुलबुले, गजेंद्र गुंडाळे, प्रविण गंडरघोळ, भायेकर, अशोक सितावार, दत्तात्रय कोळेकर,
सुरेश टने, मधुकर फटाले, सुधीर आंबेकर ,प्रकाश उखळे , विशाल हिरास ,अविनाश सुत्रावे , . बुलबुले ,शंकर तेरकर ,अनु मेहेत्रे, छाया माळवतकर, कल्पना पुरनाळे, जयश्री माळवतकर, सुनिता सूत्रावे, मंगल सूत्रावे, संगिता फटाले, संगिता कंकाळ, प्रतिभा बडवणे आणि बरेच समाजबांधव उपस्थित होते असे सदर उपवधू वर परिचय मेळावा समितीचे प्रसिद्धी विभाग प्रमुख अनिरुद्ध दांडगे यांनी कळविले आहे .
नांदेड जिल्ह्यात प्रतिनिधी नेमणे आहेत संपर्क ९८९०४७६५९५