अनेकांची पराज्यातून हजेरी
देगलूर प्रतिनिधी,दि.२७ :- देगलूर येथील साधना हायस्कूल मधील काही माजी विद्यार्थ्यांनी चार वर्षांपूर्वी एक व्हाट्सअप ग्रुप तयार केला व त्या ग्रुपला साधना हायस्कूल देगलूर १९९४ बॅच असे नाव दिले.
सुरुवातीला हा ग्रुप काही मोजक्याच मित्रांचा होता पण हळूहळू ह्या ग्रुप मध्ये अनेक मित्र-मैत्रिणी ऍड होऊ लागले तसतसे या ग्रुपची संख्या वाढू लागली दररोज सकाळी संध्याकाळी ग्रुपमध्ये गप्पा रंगू लागल्या तसा मित्रांना एकमेकांशी भेटण्याचा उत्साह देखील वाढू लागला मग ही मंडळी एकमेकांशी भेटण्याबाबत चर्चा करू लागली व यातूनच एक भन्नाट कल्पना काढून या मंडळींनी आपापल्या आपल्याला घडवणाऱ्या व शिक्षा देणाऱ्या शिक्षकांचा सन्मान करण्याचे ठरवले.
मग काय आधीच एकमेकांना भेटण्याची व बोलण्याची इच्छा जागृत झालेल्या मित्रांना ही कल्पना फारच आवडली व प्रत्येक जण नवनवीन कल्पना करीत तब्बल २८ वर्षानंतर शिक्षक सन्मान सोहळा व विद्यार्थी स्नेह मेळाव्याचे आयोजन करण्याचे ठरवले गावात राहणाऱ्या विद्यार्थ्यांनी तीन-चार वेळा मीटिंग घेत कार्यक्रमाचे नियोजन केले.
व अखेर तो मुहूर्त ठरला येत्या २७ जानेवारी २०२३ रोजी चा साहजिकच हा कार्यक्रम देगलूर येथेच होणार असून ह्या कार्यक्रमासाठी पुणे, बेंगलोर, हैदराबाद, औरंगाबाद व अन्य राज्यातून ही मित्रमंडळी या कार्यक्रमासाठी हजेरी लावणार आहेत यात काही डॉक्टर, इंजिनिअर, व्यावसायिक, शिक्षक, पत्रकार, तर काही राजकारणी व शेतकरी अशी मंडळी जमणार असल्याचे बोलले जात आहे.
या कार्यक्रमासाठी गावातील काही मित्रांनी प्रयत्नाची पराकाष्ठा करत रात्रीचा दिवस करत हा कार्यक्रम यशस्वी करण्यासाठी झटत असल्याचे समजते तर परगावातील मित्रमंडळी देखील येत्या २७ तारखेची आतुरतेने वाट पाहत असल्याचे देखील समजते.
