देगलुर प्रतिनिधी,दि.१६:- विश्वरत्न डॉ. बाबासाहेब आंबेडकर यांच्या १३२ व्या जयंती निमित्त विनय कांबळे मित्र परिवार आयोजीत जय भीम महोत्सवाचे आयोजन ७ ते १४ एप्रिल विविध उपक्रम राबवून भारतरत्न डॉ बाबासाहेब आंबेडकर यांना अभिवादन करण्यात आले.
७ एप्रिल रोजी शुद्धलेखन स्पर्धा ही मुलांचे मराठी हस्ताक्षर सुधारण्यासाठी तर 8 एप्रिल रोजी PMJJBY , PMSBY, या विमा योजना बद्दल सविस्तर मार्गदर्शन करण्यात आले . ९ एप्रिल रोजी चित्रकला स्पर्धेमध्ये विद्यार्थी मधील एखादा चांगला चित्रकार घडण्यासाठी आणि १० एप्रिल रोजी महामानवा बद्दल अभ्यास असावा म्हणून महामानवाच्या जीवनचरित्रावर आधारित बहुपर्यायी वस्तुनिष्ठ प्रश्नाची परीक्षा घेण्यात आली.
११ एप्रिल महात्मा ज्योतिबा फुले यांच्या जयंतीनिमित्त सलग १२ तास अभ्यासक्रम उपक्रमात डॉ. बाबासाहेब आंबेडकर यांनी १८ -१८ तास अभ्यास केले त्यांना आदर्श मानून मुलांनी देखील कमीत कमी १२ ते ६ तास अभ्यास करावा म्हणून विद्यार्थांना भविष्यात अधिकारी होण्यासाठी देगलूर पोलीस स्टेशनचे पोलीस निरीक्षक सोहम माच्छरे देगलूरचे तहसीलदार राजाभाऊ कदम देगलूर येथील सुप्रसिध्द डॉ. विनायक मुंडे ,डॉ. उत्तम हिंगोले या सर्व मान्यवरांनी शिक्षणात कशा प्रकारे प्रगती करून चांगले आधिकारी , डॉक्टर होण्यासाठी सविस्तर मार्गदर्शन केले.
१२ एप्रिल रोजी शरीर हीच खरी संपत्ती आहे म्हणून बीपी, मधुमेह मोफत आरोग्य तपासणी करण्यात आली.यावेळी डॉ. मोहम्मद उस्मान , डॉ. चंद्रकांत पाटील, डॉ. अंबिका गिरी त्यांच्या सोबत छाया पाटील, चव्हाण ताई यांनी रुग्णांची तपासणी केली. १३ एप्रिल रोजी रांगोळी च्या माध्यमातून महापुरुषांनी समाजाला कोणता संदेश दिला होता त्यातून अनेकांनी त्यावरती प्रकाश टाकला . या सर्व कार्यक्रमात ज्या स्पर्धकांनी पहिला , दुसरा क्रमांक पटकावला त्यांना गोल्ड मेडल आणि सिल्व्हर मेडल देण्यात आले.
मेडल देण्या मागे मेडल त्यांच्या अंगातील कलेला ऊर्जा देत राहील म्हणून या सर्व कार्यक्रमाचे संयोजक विनय कांबळे यांनी १४ एप्रिल रोजी भीम जयंती दिनी सर्व यश संपादन केलेल्या सर्व स्पर्धकांना नागार्जुन बुद्ध विहार येथे बक्षीस वितरण करण्यात आले. यावेळी धोंडीबा कांबळे , सचिन कांबळे , बंटी येडके , विनय कांबळे मित्र परिवार आणि विद्यार्थी यावेळी मोठ्या संख्येने उपस्थित होते.
