देगलूर महाविद्यालयात पालक सभेत शिक्षकांशी यशस्वी संवाद
देगलूर प्रतिनिधी दि.२५ :- महाविद्यालयीन शिक्षण घेत असताना पाल्यांच्या शैक्षणिक उपक्रमात पालक शिक्षकांनी लक्ष घालणे आवश्यक आहे ,विद्यार्थ्यांच्या यशात दोघांचा वाटा असतो असे प्रतिपादन देगलूर महाविद्यालयाचे प्राचार्य डॉ मोहन खताळ यांनी केले देगलूर महाविद्यालयात नवप्रवेशित विद्यार्थ्यांच्या पालक सभेत( दि.२४जुन रोजी) ते बोलत होते.
यावेळी व्यासपीठावर प्रमुख पाहुणे अ.व्या शिक्षण संस्थेचे कार्यकारणी संचालक देवेंद्र शेठ मोतेवार होते प्रारंभी प्रा. गौतम भालेकर व प्रकाश सोनकांबळे यांनी स्वागत पर गीत सादर केले.
यानंतर नवनियुक्त उपप्राचार्य प्रा.उत्तम कुमार कांबळे यांचा क म.शिक्षक संघटनेच्या (जुक्टा)वतीने सत्कार करण्यात आला . प्राचार्य खताळ पुढे म्हणाले आज शैक्षणिक क्षेत्रात मोठी स्पर्धा वाढली असून ग्रामीण भागातील विद्यार्थ्यांना स्पर्धेच्या क्षेत्रात यशस्वी होण्यासाठी देगलूर महाविद्यालय हे सक्षम महाविद्यालय आहे.
अभ्यासक्रमाबरोबरच स्पर्धा परीक्षेचे शिक्षण इथे दिले जाते विज्ञान शाखेतील विद्यार्थ्यांना अतिरिक्त तासिकेच्या माध्यमातून शिक्षणाची सोय उपलब्ध करून दिली गेली आहे याचा लाभ विद्यार्थ्यांनी घेऊन आपले शैक्षणिक यश सिद्ध करावे असे आवाहन प्राचार्य खताळ यांनी केले.
प्रास्ताविकातून क . म.उपप्रचार्य प्रा उत्तम कुमार कांबळे यांनी विज्ञान विभागात नव प्रवेशित विद्यार्थ्यांसाठी विविध शैक्षणिक धोरणाची माहिती व त्याची ओळख पालकांना करून दिली अतिरिक्त तासिकांचे संयोजक प्रा.डॉ. शेरीकर व्हीजी यांनी नवप्रवेशित अकरावी विज्ञानच्या पाल्यांच्या पालकांना नवीन शैक्षणिक वर्षात अतिरिक्त तासिका व त्यांचे नियोजन कसे करण्यात आले आहे .
याची माहिती व ओळख सविस्तरपणे आपल्या मार्गदर्शनपर भाषणात दिली. प्रा. ई.के पाटील यांनी देखील विज्ञान शाखेत प्रवेश घेतलेल्या विद्यार्थ्यांना पुढील अभ्यासक्रम व त्याचे नियोजन कसे करावे यावर प्रकाश टाकला.
मी सगळी कडे तालूक्यातील महाविद्यालयात चौकशी केली पण शेवटी देगलूर महाविद्यालयातील शैक्षणिक दर्जा पाहून माझ्या पाल्याला याच महाविद्यालयात प्रवेश
देण्याचा निर्णय घेतला अशा भावना पालक प्रतिनिधी बाळासाहेब मुंढे यांनी आपल्या भाषणातून व्यक्त करत देगलूर महाविद्यालयाचा गौरव केला मा. देवेंद्र शेठ मोतेवार यांनी आपले मनोगत व्यक्त केले या कार्यक्रमास उपप्राचार्य डॉ अनिल चिद्रावार ,
क. म.उपप्राचार्य प्रा उत्तम कुमार कांबळे बहुसंख्य पालक,विद्यार्थी ,कनिष्ठ महाविद्यालयाचे शिक्षक शिक्षकेतर कर्मचारी उपस्थित होते. या सह विचार सभेचे सूत्रसंचालन पर्यवेक्षक प्रा.एस एन पाटील तर आभार प्रा महेश कुलकर्णी यांनी मांडले.
