केज प्रतिनिधी दि०९ :- मस्साजोग पवनचक्की प्रकल्पाच्या खंडणीप्रकरणी सीआयडीच्या पोलिस कोठडीत असलेला आरोपी वाल्मीक कराड याच्याशी लक्ष्मण हाके यांचे घनिष्ठ संबंध आहेत. त्यांनी अनेक वेळा हॉटेलमध्ये पार्त्या केल्या आहेत. कराड याच्याशी त्यांचे लागेबांधे आहेत. त्यामुळेच त्यांनी मराठा समाजाच्या विरोधात प्रतिमोर्चे काढण्याचा इशारा दिला आहे.
याप्रकरणी हाके यांची चौकशी करावी, अशी मागणी अखिल भारतीय कुणबी मराठा महासंघ केज तालुकाध्यक्ष रोहन गलांडे पाटील यांनी व्यक्त केली आहे.सरपंच संतोष देशमुख यांच्या हत्येचे प्रकरण चांगलेच तापले आहे. संतोष देशमुख यांच्या मारेकऱ्यांना फाशीची शिक्षा द्यावी, या मागणीसाठी मराठा समाज आक्रमक झाला आहे. राज्यभरात आंदोलने, मोर्चे काढले जात आहेत.हाके मागील काही दिवसांपासून मराठा समाजाला टार्गेट करत आहेत.
विनाकारण समाजा समाजामध्ये तेढ निर्माण करून जातीयवाद पसरविण्याचा प्रयत्न करत आहेत. संतोष देशमुख यांच्या हत्येप्रकरणाला वेगळे वळण देण्यासाठी ते वंजारी आणि मराठा समाजामध्ये भांडण लावण्याचे काम करत आहेत. पण त्यांचा हा डाव आम्ही यशस्वी होऊ देणार
नाही. दोन समाजामध्ये तेढ निर्माण करू पाहणाऱ्या हाकेवर पोलिसांनी तत्काळ कारवाई करावी, अन्यथा हाकेच्या विरोधात आंदोलन केले जाईल, असे अखिल भारतीय कुणबी मराठा महासंघ केज तालुकाध्यक्ष जरांगे पाटील समर्थक रोहन गलांडे पाटील म्हटले आहे.
