नांदेड दि.२५ :- महाराष्ट्र राज्य साहित्य आणि संस्कृती मंडळ मुंबई आणि राजश्री शाहू महाराज ग्रामीण विकास प्रतिष्ठान जवळा [ता.लोहा] यांच्या संयुक्त विद्यमाने तिसरे राज्यस्तरीय जनहित ग्रामीण साहित्य संमेलन सोनखेड ता. लोहा येथे दि. २७ जानेवारी (सोमवार) रोजीआयोजन करण्यात आले आहे .
या संमेलनात कवी संमेलन,कथाकथन, परिसंवाद, असे विविध साहित्य विषय कार्यक्रम. तसेच विविध जनहित पुरस्कार- २०२५ चे वितरण करण्यात येणार आहे. पुरस्कारामधे देगलूर चे लेखक कवी प्रा.महेश कुडलीकर, यांना त्यांच्या साहित्य विषयक कार्य विचारात घेत जनहित साहित्यरत्न पुरस्काराने गौरविण्यात येणार आहे.
महेश कुडलीकर यांचे जलबोध (जलघोषणा संग्रह)तिरके बाण (वात्रटिका)प्रवचनयोगी वै.धुंडामहाराज देगलूरकर, ,हैदराबाद मुक्तिसंग्रामातील दृष्टायोध्दा गोविंदभाई श्राॅफ (चरित्र)अशी पुस्तके प्रकाशित आहेत.तर आगामी तुझ्या एका पत्रामुळे हा कवितासंग्रह प्रकाशनाच्या वाटेवर आहे.
अनेक पुस्तकावर त्यांचे परिक्षण ,मुलाखती,प्रासंगिक लेख प्रकाशित आहेत.
पुरस्कार सोनखेड येथे दि.२७ जाने.रोजी होणा-या जनहित साहित्य संमेलनात प्रदान करण्यात येणार असल्याची माहिती राजश्री शाहू महाराज ग्रामीण विकास प्रतिष्ठान जवळा ता.लोहाचे संयोजकानी दिली. या पुरस्काराबद्दल कवी महेश मोरे साहित्यिक देविदास फुलारी,श्री समर्थ वाचनालय देगलूर चे कार्यवाह अविनाशराव हसनाळकर, उपप्राचार्य प्रा.डाॅ.शेरीकर व्हि.जी.,प्रा.डाॅ.चंद्रशेखर
बाकेवाड,डाॅ.बा.रा.कत्तुरवार प्रा.यादूल शेख,प्रा.प्रमोद गुजे,प्रा.सत्यजीत सावळे,प्रा.कोंडेकर सचिन प्रा.तुकाराम लागले, संजय शिंदे,शिवकुमार बुक्के, उल्हास जोशी,अभय बासवाडेकर,प्रा.संगमनाथ सातानुरे,आदिनी अभिनंदन केले आहे.
