हैदराबाद, काचिगुडा दि.१५ – गव्हर्नमेंट ज्युनिअर कॉलेज, काचिगुडा येथे ७९ वा स्वातंत्र्य दिन उत्साह, जल्लोष आणि देशभक्तीच्या वातावरणात साजरा करण्यात आला. उपप्राचार्य श्रीनिवास सर यांच्या हस्ते राष्ट्रीय ध्वज फडकावण्यात आला. राष्ट्रगीताने कार्यक्रमाची सुरुवात झाली आणि उपस्थितांनी तिरंग्याला मानाचा मुजरा अर्पण केला.
कार्यक्रमात विद्यार्थ्यांनी देशभक्तीपर गीत, सांस्कृतिक सादरीकरण आणि स्वातंत्र्य संग्रामातील वीरांच्या स्मृती जागवणारे कार्यक्रम सादर केले. हंसिनी आणि मोहम्मद कव्वी यांनी प्रभावी भाषणे तर मेरी या विद्यार्थिनीने देशप्रेम जागवणारी कविता सादर करून उपस्थितांची मने जिंकली.
प्राचार्यांनी आपल्या भाषणात स्वातंत्र्याचे महत्त्व अधोरेखित करताना युवकांनी देशाच्या प्रगतीसाठी आपली जबाबदारी ओळखावी, असे आवाहन केले. सूत्रसंचालन प्रा. राम मोहन सर यांनी केले.
या सोहळ्याच्या यशस्वी आयोजनासाठी प्रा. परमेश्वर, प्रा. राजेंद्र, प्रा. जमीर, प्रा. लक्ष्मय्या, प्रा.अनिल रेड्डी, प्रा.नर्सी रेड्डी, प्रा. गणेश सर,प्रा.प्रसाद सर, रजनी, प्रा. मेघमाला, केशवी मॅडम, गीता मॅडम, भाग्यलक्ष्मी मॅडम, रमनी मॅडम, नसीम मॅडम,आयशा मॅडम,आणि जमीर सर यांनी विशेष परिश्रम घेतले.
कार्यक्रमाला शिक्षक, विद्यार्थी आणि पालक मोठ्या संख्येने उपस्थित होते. शेवटी मिठाईचे वाटप करून कार्यक्रमाची सांगता झाली.