पोलीस निरीक्षक मारोती मुंडे यांची वहानचालकांसोबत बैठक; सण-उत्सव काळात वाहतुकीसंदर्भात मार्गदर्शन
देगलूर प्रतिनिधी, दि.२२ :- देगलूर पोलीस स्टेशन येथे पोलीस निरीक्षक श्री. मारोती मुंडे यांनी शहरातील वहानचालक व प्रवासी वाहतूक करणारे चालक-मालक यांची बैठक घेऊन आगामी पोळा, दहीहंडी, गणेशोत्सव, ईद-ए-मिलाद आदी सण-उत्सव काळात वाहतुकीसंदर्भात महत्त्वपूर्ण मार्गदर्शन केले.
बैठकीत वाहतूक नियमांचे काटेकोर पालन करण्याचे आवाहन करताना खालील बाबी स्पष्ट करण्यात आल्या :
रस्त्यावर विनाकारण वाहने उभी करू नयेत.
प्रवाशांना गैरसोय होणार नाही याची दक्षता घ्यावी.
क्षमतेपेक्षा जास्त प्रवासी बसवू नयेत.
मद्यपान करून वाहन चालविण्यास सक्त मनाई.
वाहन चालवताना आवश्यक कागदपत्रे सोबत असावीत.
चालकांनी गणवेश परिधान करूनच वाहन चालवावे.
शासनाने बंदी घातलेले खाद्यपदार्थ व वस्तूंची वाहतूक टाळावी.
शहरात संशयास्पद व्यक्ती आढळल्यास तात्काळ पोलिसांना कळवावे.
आपत्कालीन परिस्थितीत नागरिक व प्रशासनाला सहकार्य करावे.
श्री. मुंडे यांनी स्पष्ट केले की, नियमांचे उल्लंघन केल्यास कठोर कारवाई करण्यात येईल.